Тэгэхээр үлдэх 90 гаруй хувь нь сэтгэл санаагаар унах, ямар нэг хэмжээгээр уйтгар, гунигт үе үе автдаг гэсэн үг.

Намрын эхэн сард хүмүүс сэтгэл санааны хувьд бүрч тогтворгүй болдог байна. Сэтгэл санааны өөрчлөлтөөс хамаарч хүмүүсийг гурав хуваадаг байна. Эхний хэсэгт цоо эрүүл мөртлөө ямар ч шалтгаангүйгээр сэтгэл санаа нь өөрчлөгдөж хувьсдаг, байгалиасаа ихээхэн мэдрэмтгий төрсөн хүмүүс багтана.

Ийм хүмүүсийн хувьд намар болохоор л ажил нь урагшаа ахихгүй, юм хийхээс дургүй нь хүрдэг, хүч тамир ч үгүй, юм л бол уйтгарт автаж, гуниж гутардаг толгой нь өвддөг байх юм. Ийм хүмүүс ойролцоогоор хүн амын 20 хувийг эзэлдэг байна. Хоёр дахь хэсэгт сулхан вегетатиктай хүмүүс багтдаг. Ийм хүмүүс даралт нь тогтворгүй байх, байнга сэтгэл дундуур явдаг.

Гурав дахь хэсэгт багтдаг хүмүүс дааврын хамааралтай, үе үе сэтгэлийн гутралд өртдөг аж. Тухайлбал, бие давхар болох, сарын юм ирэх, бамбай булчирхайн үрэвсэл зэргээс болж гутралд автдаг.

Хоёр Гуниг гутрал нь ихэнхдээ сэтгэхүйн байдлаас хамааралтай байдаг

Хүчтэй сэтгэлийн дарамт нь эмгэг гутралд хүргэж болно. Заримдаа шок /дайрлага/-нд орох нь гутралын хүндрэлээс салах арга болдог байна. Бусад хэлбэрийн уйтгар гуниг нь ихэнхдээ сөргүү үйлдлийн хуримтлалаас үүдэлтэй байдаг байна. Сэтгэл судлаачид хүмүүсийг ийм өвчнөөс салгахын тулд өвчтөний олон жилийн өмнөх амьдралыг ухах хэрэг гардаг байна. Зарим хүний хувьд удаан хугацааны турш үргэлжилсэн сэтгэлийн дарамт нь сэтгэхүйн илрэл буюу шууд гуниг| гутралд хүргэх, үргэлжийн айдаст автах маягаар илэрдэг байна. Зарим хүний хувьд дотор эрхтний өвчлөл ч гутралд хүргэх явдал бий.

Хий судлалын эмч нар үүнийг далд хэлбэрийн буюу соматиз /сома-бие/ гутрал гэж нэрлэдэг байна. Жишээлбэл, холерикуудын тухайд сэтгэлийн дарамт нь зүрх судасны өвчинөөр далдлагдсан байдаг. Мөн 12 нугалаа гэдэсний шархлаа, бусад дотрын өвчин нь сэтгэхүйн дарамт буюу стрессийн далд хэлбэр байдаг аж

Гурав Гуниг гутралаас яаж гарах вэ?

Сэтгэлийн гутрал нь /депрессия/ нь гашуудах, шаналахаас огт өөр эмнэлгийн тусламж авахаас өөр аргагүй аюултай өвчин юм. Эл өвчний шинж тэмдэг нь тодорхой хэлбэрээр илэрдэг байна. Өвчний дараахь хэлбэрүүд илэрвэл эмчид хандахаас өөр арга байхгүй.

– Сэтгэл санаагаар унах, ядарч цуцах, сэтгэл санаа тогтворгүйдэх нь өдрөөс өдөрт нэмэгдэж, 5-7 хоногоор үргэлжилнэ. Өглөө сэрэхдээ уйтгар гунигтай, олиг муутай бодол санаанд дарагдах. Гуниг гутрал нь бодит нөхцөлд нийцэхгүй, өөрөөр хэлбэл, амьдрал нэгхэвийн урсгалаас үүсдэг.

– Нойр алдагдаг. Өдөр нойр хүрч нозоорч, шөнө нойр хулжих, эрт сэрэх, сэрээд унтаж чадахгүй хөрвөөх. Муу бодолд автах. Надгүйгээр эд сайхан болно, Надад амьдрах сонирхол алга гэх мэт хөгийн бодлууд толгойд нь орох.

Дөрөв Ганцхан эм уугаад нэмэргүй

Хамгийн гол нь иж бүрэн арга хэрэглэх нь чухал. Сэтгэл заслын эмчилгээ, дээр нь тусгайлан сонгож авсан эм ууна. Тогтсон схем гэж үгүй. Ядаргаанаас үүдсэн сэтгэлийн гутралд өдөөгч эм хэрэглэж болно. Харин сэтгэл түгших, айдастай холбоотой мэдрэлийн гутралд тайвшруулах эм хэрэгтэй.