Копенгагены их сургуулийн эрдэмтэд 40000 эрчүүдийн дунд энэ чиглэлээр 11 төрлийн судалгааны ажил явуулсны дүнд ийм дүгнэлтэд хүрчээ. Гэхдээ эргээд турахад бэлгийн идэвхи болоод чадавхи дахин сэргэдэг учраас сэтгэлээр унах хэрэггүй. Тарган эрчүүдэд найдвар бий шүү.

Хивэгтэй, эсвэл тээрэмдээгүй үр тариагаар хийсэн (хавтгай болгож бяцалсан хөх тариа юмуу арвайн үр) талх нь бүтэн өдрийн гайхалтай цогц хүнс болж чаддаг байна. Үр тариагаар хийсэн ийм талхыг өглөөний унданд идсэн хүний цусан дахь сахрын хэмжээ 10 цагийн турш тогтвортой байдгийг Шведийн эрдэмтэд судалж мэджээ. Энэ сэдвээр эрдмийн ажил хүртэл хамгаалсан байдаг.

Герман дахь Макс Планкийн нэрэмжит хүн амын өсөлтийн судалгааны хүрээлэнгийн гаргасан мэдээгээр барууны хөгжилтэй орнуудад хүмүүсийн дундаж наслалт 10 жил тутамд 2-3 насаар уртсаж байгаа ажээ.

Хорт хавдрын Internatinal Journal of Cancer сэтгүүлд улаан лууван (редиска), цагаан лууван буюу туурам (редька) болон брокколи байцааг хүнсэндээ тогтмол хэрэглэдэг бол давсагны хорт хавдраар өвчлөх эрсдэлийг 29%-иар буулгадаг гэсэн байна. Эдгээр ногоонд хорт хавдрын эсрэг үйлчилгээтэй гичийн тос гэж бодис агуулагддаг ажээ. Одоо тариалалтын үе дуусаагүй дээр нь эдгээр ногоогоо тариалаарай.

Халуун орны ургамлаар бэлддэг гвоздика гэгч хоолны амтлагч нь сүүлийн үед их газар авч, түгээмэл хэрэглэгддэг болоод байна. Энэ хоол амтлагч нь цусны эргэлт болоод хоол нь! шингэцийг сайжруулж, хоол идэх дуршлыг нэмэгдүүлж, өвчин намдаах болон нянгийн эсрэг үйлчилгээ үзүүлдэг. Гэрийн нөхцөлд гаргаж авсан гвоздика-ны тос шүдний өвчин намдаадгаараа шалгарсан.

Антибиотик их уух нь өвчнийг дарахын хажуугаар хүний ходоод гэдсэнд муугаар нөлөөлж, нянгийн тэнцвэрт байдлыг алдагдуулдаг. Тиймээс антибиотик уусныхаа дараа йогурт хэрэглэж байх нь тустай гэнэ. Тараг, йогуртанд гэдсэн дэх нянгийн тэнцвэрт байд¬лыг тогтооход тустай лактобацилл агуулагддаг.

Эх сурвалж Анагаах арга билиг