Байнгын төлөөлөгч Ж.Энхсайхан Ерөнхий захирал М.Эл-Барадейтай уулзахдаа Монгол Улсын Ерөнхий сайд С.Баярын айлчлалын үеэр уран болон цөмийн эрчим хүчний чиглэлээр хамтарч ажиллах талаар тохирсон зүйлсийг ажил хэрэг болгох, Монгол Улсын цөмийн зэвсэггүй бүсийн статусыг бэхжүүлэх талаар тус байгууллагатай нягт хамтран ажиллахаа илэрхийлэв.

Ерөнхий захирал М.Эл-Барадей ОУАЭА Монгол Улстай амжилттай сайн хамтарч ажиллаж байгаад сэтгэл ханамжтай байгаа гээд Монгол Улсын Ерөнхий сайдын айлчлалын үеэр ярилцсан зүйлсийг хэрэгжүүлэх, техникийн хамтын ажиллагааны шугамаар хэрэгжиж буй хөтөлбөрүүдийг үргэлжлүүлэх, мөн Монгол Улсын цөмийн зэвсэггүй статусын тухай асуудлыг урагшлуулахад хамтран ажиллахад бэлэн байгаагаа илэрхийлэв. Тэрээр 2009 онд Монголд айлчлах бодолтой байгаа гэв.