Улаан-Үдийн эдийн засаг, соёлын өдрүүд-ийг өмнө Улаан-Үд болон Улаанбаатарын соёлын өдрүүд нэртэйгээр 2000, 2001 онд зохион байгуулж байсан юм. Хоёр хотын иргэдийн хооронд үе уламжлан ирсэн нөхөрлөлийг бататгаж, ард түмний өнө эртний түүх, соёл, ололт амжилтыг танилцуулах нь уулзалтын гол үр дүн.

Энэ хүрээнд хотуудын бизнес эрхлэгчид мэдээлэл, туршлага солилцов. Ингэснээр тэднийг цаашид хамтарч ажиллахад дэм болох юм. Тухайлбал, томоохон хөрөнгө оруулалт хийж төсөл хэрэгжүүлэх боломж бий болж буй хэрэг. Мөн аялал жуулчлал, хүнс, гар урлалын үзэсгэлэн худалдаа гаргаж, нийслэлчүүдэд соёл ахуй болон урлагаа сурталчиллаа. Энэ удаа Улаан-Үдийнхэн олуулаа иржээ. 250-иад төлөөлөгч ирсэн сураг дуулдана лээ.

И.Нарангарав

Дугаар 120/2880/