Үнэнийг хэлэхэд өргөн хэрэглээний бараа зэрэг бүх л зүйлийн үнийн энэ их өсөлтөд дасал болох нь. Гэвч хар алтны үнийн өсөлтөд дасал болно гэдэг байж болохгүй асуудал болов уу. Өнөөгийн өндөр хөгжиж буй нийгэмд хар алтнаас хамаарах техник технологи, хүчин зүйлүүд их болсон шүү дээ хэмээн CNN мэдээлж байна. Хэдийгээр хар алт нийлүүлэгч томоохон орнуудын нэг болох Саудын Араб олборлолтоо их хэмжээгээр нэмэгдүүлж буйгаа зарласан ч баасан гаригт 128 ам.долларт дөхөж өгсөн юм.

Үүнийг зарим шинжээчид ОПЕК-ийн гишүүн орнууд сүүлийн хэдэн долоо хоногийн турш олборлолтоо ихэсгэж, нөөцөө нэмэгдүүлж буйгаа мэдэгдсээр байгаа ч ам.долларын ханш унаж буй нь хар алтны үнийг тэнгэрт хадахад хүргэж байна хэмээн үзэж байгаа юм.

Өнгөрсөн долоо хоногт хар алтны үнэ 126 ам.долларт хүрэхэд ирэх есдүгээр сард болох ОПЕК-ийн орнуудын ээлжит хурлын товыг наашлуулахад хүргэж байна хэмээн мэдээлж байсан. Гэвч нефть экспортлогч гол орнуудын нэг болох Ираны газрын тосны сайдын сайдын хэлснээр Нефтийн үнэ бидний хамааралгүй өсч буй энэ үед ОПЕК-ийн орнуудын хурлын товыг наашлуулж, яаралтай хурал хийх шаардлагагүй гэжээ.

Тэрбээр нэмж хэлсэн үгэндээ Нефтийн үнэ өсч байгаа бус ам.долларын ханш унаж байгаа юм хэмээжээ.

С.Наран

Дугаар 102 /9658 /