Тодорхой албан шаардлагуудыг хангасан Улс төрийн хүчинүүдэд СЕХ-ноос батламж гардуулах ба энэ талаар СЕХ хараахан хуралдаж амжаагүй ба өнөөдрөөс эхлэн хэлэлцэж эхлэх юм байна.

Өчигдөр СЕХ хуралдаж тойргийн хороондын бүтэц бүрэлдэхүүнийг батласан ба хотын 26 тойргоос 24 тойргийг байгуулан баталсан албан ёсны тогтоол нь мөн л гараагүй байна.

Бид УИХ-ын сонгуульд оролцохоо илэрхийлсэн Улс төрийн хүчинүүдийн талаар болон СЕХ-ны цаашид ажиллах чиг хандлага мөн зарим нэг мэдээллийг тодруулахаар СЕХ-ны Ерөнхий нарийн бичгийн дарга Б.Баярсайхантай уулзлаа.

үideo1

МАХН-аас бусад улс төрийн хүчинүүд болон ард иргэдийн дунд СЕХ-ны намын харъяаллын харьцааг шүүмжлэн ярих нь элбэг байдаг. СЕХ есөн гишүүнтэй. Ерөнхийлөгчөөс хоёр, Дээд шүүхээс хоёр, УИХ-аас таван хүний санал оруулж ирдэг байна. Одоогийн СЕХ-ны гишүүдийн хоёр гишүүн нь Ардчилсан нам, нэг гишүүн нь нам бус нэрээр байдаг ба үлдсэн гишүүд нь бүгд ах намын харъяалал бүхий гишүүд байдаг байна. Эв нэгдлийн билэг тэмдэг болсон улсын маань Ерөнхийлөгч хүртэл СЕХ-нд хоёрын хоёр Хувьсгалт намын хүн санал болгож оруулсан байх юм.

Намын харъяаллын харьцаа харилцан адилгүй байх явдал нь сонгуулийг будилаантуулж, шударга бус зүйл гарах боломж нөхцлийг бүрдүүлдэг гэдгийг хаа хаанаа мэддэг л байлтай. Тэгэхээр тойргийн хороод ч мөн адил харьцангуй харьцаатай байх нь ойлгомжтой юм. Уг нь Сонгуулийн тухай хуулиндаа заахдаа аль нэг нам нь давамгайлахыг хориглоно гэж заасан байдаг ч мөрдөх хүн байх биш дээ.

Мөн СЕХ-ны хоёр ч гишүүн үүрэгт ажлаасаа чөлөөлөгдөх өргөдлөө өгсөн байгаа ба Засгийн газрын ХЭГ-ын дэд дарга Ж.Сүхбаатар сонгуульд нэр дэвших болсон тул хүсэлт гаргаж, түүнийг нь УИХ ёсоор болгосон. УИХ-ын Тамгын газрын Хуулийн хэлтсийн дарга Ж.Нарантуяа мөн л үүрэгт ажлаасаа чөлөөлөгдөх өргөдөл бичиж өгчээ. Сонгууль ойртож байхад энэ асуудлыг УИХ-аас яаралтай шийдвэрлэж дараа дараагийн ажилд шуурхайлан орох хэрэгтэй болов уу.

Б.Баяр

Ж.Дарханжаргал