Харин Бээжингийн олимпийн наадамд бартаат замын уралдаан шинээр багтжээ. Үүнийг олон улсад ВМХ гэсэн нэртэй бөгөөд спортод extreme гэх төрлөөрөө илүү алдартай юм байна. Энэхүү ВМХ бартаат замын уралдааныг анх 2003 оны зургадугаар сард Олон улсын олимпийн хорооноос олимпийн хөтөлбөрт оруулсан ажээ. Үүнд таваас дээш насныхан оролцох боломжтой байдаг ч олимпийн төрөлд нь 19-өөс дээш насны тамирчдыг оролцуулахаар дүрэмдээ заасан байна.

Тамирчид уг тэмцээнд 20-24 инчийн рамтай дугуйгаар техникийн нарийн дүрмээр уралддаг байна. Тэгэхдээ хамгаалалтын дуулга, өвдөг, тохойны хамгаалалт, шуумагтай цамц, бээлий зэрэг хэрэгсэл өмсөхийг шаарддаг ажээ. Харин замын тухайд хэлэхэд, өндөр нам саад, огцом эргэлт, харайлттай, 300-450 метрийн тойрог замаар уралддаг гэнэ.

Харин Бээжингийн олимпийн наадамд энэ төрөлд эрэгтэй 24, эмэгтэй 12 тамирчин оролцох юм.

Одоо Дэлхийн аварга шалгаруулах тэмцээнээс зургаан эрэгтэй, гурван эмэгтэй тамирчин шалгарч оролцохоос гадна урилгаар хоёр эрэгтэй, нэг эмэгтэй тамирчин оролцох эрхтэй байна.

дугаар 112/2399/