Тиймээс манай жүдогийн тамирчид олон улсын тэмцээнд оролцож, чансаагаа ахиулахаас гадна бэлтгэл хийхээр энэ сарын 22-ны өдөр ОХУ-ыг зорих гэж байна. Москва хотод болох дэлхийн цом-ын төлөө тэмцээн хоёр өдөр үргэлжлэх бөгөөд олимпийн эрх авсан тамирчдаас ч явах төлөвлөгөөтөй байгаа юм байна. Үүний дараа ОХУ-ын тамирчидтай хамтарсан бэлтгэл хийх гэнэ. Манай жүдогийн шигшээ багийн тамирчид БНСУ-ын Чэжүд болсон тэмцээнд оролцоод ирэхдээ Солонгосын баг тамирчдыг халз тулаанд урин дуудсан бөгөөд тэд уржигдар Монголд ирсэн. Тэд маргааш Улсын циркт болох Монгол, Солонгосын жүдочдын халз тулаанд эмэгтэй долоо, эрэгтэй долоон жинд оролцох юм. Анх манай жүдочид ОХУ-ын тамирчидтай 120 сая төгрөгийн бооцоотой барилдаж байсан ч энэ удаагийн халз тулаан бооцоогүй боловч шагналын сан нь нэлээд өндөр юм байна.

Хоёр орны тамирчид тэмцээн болох хүртэл гурван өдөр хамтарсан бэлтгэлд гараад байна. Харин манай улсаас Солонгосын тамирчидтай халз тулахаар эрэгтэй тамирчдаас 60 кг-ын жинд Г.Болдбаатар, 66 кг-д С.Мияарагчаа, 73 кг-д С.Ням-Очир, 81 кг-д Р.Анхбаатар, 90 кг-д Д.Нямхүү, -100 кг-д Б.Ариун-Эрдэнэ, +100 кг-ын жинд М.Баяржавхлан нар оролцох болов. Эмэгтэй жүдочдоос 48 кг-ын жинд Б.Бат-Эрдэнэ, 52 кг-д жинд М.Бундмаа, 57 кг-д О.Эрдэнэт-Од, 63 кг-д Т.Баттөгс, 70 кг-д Б.Сайнжаргал, -78 кг-д П.Лхамдэгд, +78 кг-д Д.Цэрэнханд нар Солонгос улсын тамирчидтай халз барилдахаар болсон байна.

дугаар 112/2399/