Хунтайж ойгоо арваннэгдүгээр сарын 14-нд тэмдэглэнэ. Хатан хааны гэрэл зургийн цуглуулга, хунтайжийн хувийн архиваас авсан гэрэл зурагт Чарльзын амьдралын нэн чухал үе, тэр хөлд орж байгаа, сургуульд суралцсан, Диана гүнжтэй гэрлэсэн сүр жавхаатай ёслол, Корнуолийн герцог эмэгтэй Камиллатай гэрлэсэн даруухан ёслолын зургийг ийнхүү нийтийн өмнө дэлгэсэн байна. Бас түүний хүүхдүүд болох хунтайж Уильям, Гарри нарын хүүхэд ахуй цагийн зургуудыг ч мөн тавьжээ.

Үзэсгэлэн үзэгчид Чарльзын эрхэмлэн хүндэлдэг төрөл бүрийн зүйлс жишээлэхэд, загалмай зүүлгэх үед элэнц эмээ, хатан хаан Мэрийн бэлэглэсэн мөнгөн аягыг сонирхон үзжээ. Үе залгамжлах хунтайжийн цэргийн алба хааж байсан үеийн гэрэл зураг ч цөөнгүй байгаа нь үзэгчдийн сонирхлыг ихээхэн татаж байгаа аж. Үзэсгэлэнд бас төрөл бүрийн 400-гаад байгууллагыг ивээн тэтгэдэг Чарльзын буяны ажиллагаа, бас түүний хообий болох ардын гap урлал, цэцэрлэгийн аж ахуй эрхлэх болон хүрээлэн буй орчныг хамгаалах ажлыг бүрэн тусгажээ. Түүнээс гадна үзэгчид хунтайжийн зурсан зургуудыг энэхүү үзэсгэлэнгээс үзэх боломжтой юм байна. Үзэсгэлэн 2009 оны хоёрдугаар сарын 22 хүртэл үргэлжилнэ.

дугаар 112/2399/