Хэдхэн хоногийн өмнө Төв аймгийн Борнуур суманд хулгайгаар бэлтгэсэн модыг зүсч худалдан борлуулдаг, зөвшөөрөлгүйгөөр цахилгаан хөрөө ажиллуулж байсан иргэн Базаррагчааг шөнийн 0100 цагийн үед мод хөрөөдөж байхад нь барьжээ. Мөн Мандал сумын Түнхэл тосгоны замд иргэн Энхээгийн худалдаж авсан гэх палк тээвэрлэж явсан 64-07 УБХ дугаартай ЗИЛ-130 машиныг шалгахад зорчих эрхийн бичиг, гарал үүслийн гэрчилгээгүй байжээ. Түүгээр ч барахгүй 73-37 УББ дугаар¬тай ЗИЛ-130 автомашинаар холбогдох ямар ч бичиг баримтгүйгээр иргэн Алтанбаатарын тээвэрлэж явсан шургаагийг, тээврийн хэрэгслийн хамт Түнхэл тосгонд саатуулаад байгаа гэнэ. Га¬рал үүслийн гэрчилгээгүй мод тээвэрлэж яваад саатуулагдсан тохиолдолд унаа ма¬шиныг нь улсын орлого болгохоор хуульд заасан юм.

Х.Солонго

Дугаар 99/418/