Тиймээс ойрын хэдэн жилдээ жолооч нар эвдэрхий, хагархай зам дээр хамаг уураа барж, машиныхаа хамаг эрэг боолтыг тараасаар л байх нь. Нефть дагасан үнийн өсөлт авто замын салбарыг ч бас нөмөрсөн гэнэ. Учир нь асфальт, бетоны үнэ 40 хувиар нэмэгдсэн, зам барилгын норм үнэлгээ шинэчлэгдсэнээс болж зам барих өртөг өсч байгаа ажээ. Иймээс энэ онд нийслэлд шинээр барьж, засахаар төлөвлөсөн замын ажил бүрэн хийгдэж чадахгүйд хүрч үнэгүйгээр нь мөрөөдөх л үлдсэн гэнэ. Монгол Улсыг хөгжуүлэх сангийн 16.5 тэрбум төгрөгийн хөрөнгөөр 11 газар зам засварлах байжээ. Саяхан гаргасан тооцоогоор энэ мөнгөний арав гаруй тэрбумыг нь Хорин хоёрын товчоо чиглэлийн 10.4 км замын ажилд зарцуулах болжээ. Энэ жилийн Техникийн үзлэгээр замын санд 4.3 тэрбум төгрөг хуримтлуулахаар төлөвлөсөн ч үзлэг бараг дуусч байгаа өнөө үед зөвхөн хоёр тэрбум төгрөг цуглаад байгаа гэнэ. Үүний нэг тэрбумыг нь нийслэлийн төв замын засвар шинэчлэлд зориулах аж.

Т.Жанцан

Дугаар 99/418/