Тус хуралд Монгол Хятадын шашин соёлын нийгэмлэгийн тэргүүн Ч.Баасан лам, Монголын Ардчилсан холбооны зохицуулагч Дарь. Сухбаатар, Санхүү эдийн засгийн дээд сургуулийн захирал Оюун нар хүрэлцэн ирж Хятад улсад болоод буй газар хөдлөлтөд нэрвэгдсэн хүмүүст тусламжийн гараа сунгахыг уриаллаа. Тэд энэ үеэрээ хандив цуглуулах данс нээснээ хэлсэн. Хоёр орны хувьд эрт дээр үеийн түүхийн зөрчил байсан хэдий ч мөнхийн хөрш зэргэлдээ улс орнуудын хувьд тусламж үзүүлэх нь зүй ёсны хэрэг, энэ нь ч хоёр орны цаашдын харилцаанд нөлөөлөх хүчин зүйл болно гэж тэд үзэж байна. Бурхан багшийн нирваан дүрийг олсон буянтай өдөр хандивын дансныхаа дугаарыг зарлаж ард түмэн, албан байгууллагыг буяны үйлсэд уриалж буйгаа дамжуулсан юм.

Хамгийн гол нь бид нэг дэлхий ертөнц дээр амьдарч байгаа энэ гамшиг хэнийг ч ялгахгүй, хэнийг ч дайрч өнгөрч болно гэдгийг тэд сануулж байна. Хэрвээ та газар хөдлөлтөд нэрвэгдсэн хятад иргэдэд хандив өргөхийг хүсвэл Хас банкны гуравдугаар салбарт 24002565 тоот дансанд хандиваа өгч болох нь ээ.

дугаар 112/2399/