Тэрбээр хамтлагийнхаа жүжигчин Л.Эрдэнэзаан, Н.Чулуунцэцэг нартай явж байгаад таксинаас буусан гурван хүүхэнтэй нударга зөрүүлж бөөн шуугиан дэгдээсэн байна. Учир нь өнөөх гурван хүүхэн машинаас буухдаа хаалгаар тэдний машиныг нь шүргэж орхисон аж. Залуу жүжигчин маань омгорхож эгээтэй л монголд байхгүй машин унасан юм шиг аашилж, хэлэх хэлэхгүй үгээр давшилсан байна. Нөгөө гурав ч мэдээж хэрэг дандаа хүүхнүүд хойно мөчөөгөө өгөлгүй ам хэлнийхээ түргэнийг уралдуултал, Ганзориг, Чулуунцэцэг хоёр яах ийхийн зуургүй цохиод авчээ. Ингээд л гэгээн цагаан өдөр олны нүдэн дээрэрэгтэй, эмэгтэй тамирчдийн холимог бокс болсон бөгөөд энэ хэрэгт эрхэм Л.Эрдэнэзаан дасгалжуулагчийн үүрэг гүйцэтгэж салгахдаа салгаж, нийлүүлэхдээ нийлүүлж байсан гэнэ. Ийнхүү уурын мунхгаас үүссэн зодооноос дөрвөн эмэгтэй нь гэмтэж Гэмтэл согогийн сэргээн засах төвд хүргэгдэж, жүжигчин Ганзориг БЗД-ийн шүүхэд очжээ. Түүнийг Ганц худаг дахь урьдчилан сэргийлэх хорих байранд гурав хоног саатуулсан боловч хамтлагийн нөхөд нь батлан даалтаар суллаж авчээ. Тэрбээр эхнэр авч үрийн зулай үнэрлэж байсан нь саяхан атал залуу хүний омог хилэнгээсээ болж гэр бүлээ өнчрүүлэх дөхсөн байна.

Дугаар 18/28/