Цаашид хулгайн болон, зохих зөвшөөрөлгүй орж ирсэн модонд нарийн хяналт тавихаар боллоо. Атрын гуравдугаар аяны хүрээнд шинээр зоорь барих иргэдийн төслийг ХХААЯ-нд явуулаад байна. Хэрэв төсөл батлагдвад Дархан сумын хэмжээнд иргэдийн ногоо хадгалах зоориуд ирэх сараас баригдах бөгөөд нийслэл Улаанбаатар руу худалдан борлуулах ногоог зөөвөрлөх, эргээд урд хөршөөс хүнсний ногоо оруулж ирэх ажил цэгцлэгдэх юм.

Дархан сумын хэмжээнд өнгөрсөн дөрөвдүгээр сард 11798 хээлтэгч төллөж 85 төлийн хорогдолтой байна. Мөн халдварт өвчнөөс урьдчилан сэргийлэх тарилгад 600 үхэр, 187 гахай, 510 шувуу, 1900 төл малыг хамруулжээ.Дархан сумын хэмжээнд туулай үржүүлдэг зургаан өрх байгаа бөгөөд тус суманд 200 туулай тоологдсон байна. Сумын хэмжээнд энэ сарын 15-ны байдлаар 117 хүүхэд шинээр мэндэлж, 66 хос залуус гэрлэн, өөр аймаг сумаас 47 хүн шилжин ирсэн байна. Сумын хэмжээгээр 50 иргэнд тэтгэвэр, 24 иргэнд халамжийн тэтгэвэр олгохоор болжээ. Харин 21 иргэний өргөдөл гомдлыг шийдвэрлэх боломжгүй хэмээн буцаажээ.

Г.Цогт

Дугаар 98/165/