Уг тэмцээнд хоёр баг эртнээс бэлдэж байсан биз. Челси багийн довтлогч зааны ясан эрэг улсын иргэн алдарт Дрогба нэгэн сонинд өгсөн ярилцлагандаа Би энэ тоглолтыг урт удаан хугацаанд хүсэн хүлээлээ. Хэрвээ манай баг ялах юм бол миний мөрөөдөл биелэх нь тэр. Одоо бүр нойр ч хүрэхгүй байна. хэмээн өгүүлжээ.

Учир нь тэрбээр анх удаагаа европын цомыг хүртэх юм. Мөн челси багийн лидер тоглогчдын нэг Ж.Терри гэмтэл авсан ч маргааш болох тоглолтдоо оролцоно гэж мэдүүлээд байгаа. Тэгвэл МанЮ багийн довтлогч Л.Сахагийн хувьд энэ хамгийн сүүлийн тоглолт байж магадгүй болоод байна. Учир нь багийн удирдлагууд шинэ довтлогч авах нь бараг л тодорхой болсон байгаа. Тиймээс сүүлчийн тоглолтдоо чухал үүрэг гүйцэтгэхийг хүсч байгаагаа илэрхийлжээ. Өмнө нь энэ хоёр баг 150 удаа хоорондоо таарч тоглож байснаас МанЮ 65, Челси 41 хожиж, 47 удаа тэнцэж байжээ. Хоёр багийн тоглогчид өнгөрөгч Хоёр багийн тоглолтод Москва хот нэлээд өндөр ач холбогдол өгч байгаа гэдгээ төв телевизүүдээрээ дамжуулан мэдээлсэн юм.

Одоогийн байдлаар хоёр багийн хөгжөөн дэмжигчид болох 40 мянга гаруй хүн москвад ирнэ гэсэн мэдээлэл өгчээ. Тиймээс оросын талаас 8000 цэрэг, цагдаагийн хамгаалалт гаргах гэнэ. Байдлыг харж байгаад түүнээс ч илүү хүн. гаргаж магадгүй гэж зохион байгуулах хороо мэдэгдлээ. Мөн тоглолтын үеэрх аюулгүй байдал болон бусад зүйлд дээд зэргийн анхаарал хандуулж байгаа гэнэ. Унаа тэрэгний хувьд гэхэд л метроны цагийн хуваарийг уртасгаж шөнийн 04.00 цаг хүртэл сунгасан байна. Автобус, таксины тоог нэмэгдүүлсэн гээд авч арга хэмжээ нь их гэсэн.

Дугаар 097 /770/