Уур амьсгалын өөрчлөлттэй холбогдон өдгөө 25 мянгаар тоологдож буй эдгээр амьтны гуравны нэг нь 2050 он гэхэд устаж үгүй болно гэж шинжээчид дүгнэж байна. Байгаль хамгаалагчид цагаан баавгайг аврах талаар хэзээ мөдгүй шийдвэртэй арга хэмжээ авахыг Америкийн засаг захиргаанаас хүсч байгаа юм. Гэсэн хэдий ч эрх баригчид цагаан баавгайг хамгаалах ямар ч арга хэмжээ авахгүй байна хэмээн тэд гомдоллож байна.

Энэ оны хоёрдугаар сард Ерөнхийлөгч Ж.Бушийн засаг захиргаанаас цагаан баавгай нутагладаг Аляскийн эрэг дагуух газрын тосны болон хийн орд газарт олборлолт хийх эрхийг өгсөн юм. Онгон байгалийн үндэсний холбооны төлөөлөгч Жон Костяк Газрын тос, хийн компаниудын үйл ажиллагааны сөрөг үр дагавраас баавгайг хамгаалах талаар юу ч хийхгүй гар хумхин сууж байна, эрх баригчид амьтад хэрхэн мөхөж буйг зүгээр л хараад суухаар шийдэж хэмээн хэлжээ.