Yүнээс эх газрын амьтад 25, далай, тэнгисийнх 28, гол нуур орчмын амьтад 29 хувиар хорогджээ. Энэ нь хүний гараар жил бүр дэлхийн бүх амьтдын нэг орчим хувь нь устаж үгүй болж байна гэсэн үг. Зэрлэг амьтад ийн үй олноор хорогдож буйн гол шалтгаан нь хүрээлэн буй орчны бохирдол, хөдөө аж ахуйн үйл ажиллагаа, хотжилт, ан агнуур, загас агнуур ихэссэнийх аж. Амьтдын нийгэмлэг, Дэлхийн байгаль хамгаалах сангийн хамтран гаргасан Амьд гараг индексээс авч үзвэл 1995-2005 оны хооронд далай тэнгисийн амьтад 28 хувиар хорогдсон дүн мэдээтэй байна. Тухайлбал, зарим төрлийн загас, Янзы голын ховорт тооцогддог далайн гахай дахин хэзээ ч сэргэхгүйгээр мөхөх аюулд хүрчээ. Тиймээс ойрын 30 жилд уур амьсгалын өөрчлөлтийн улмаас амьтдын ертөнцөд том аюул авчирч болзошгүйг Дэлхийн байгаль хамгаалах сангийн төлөөлөгчид анхааруулжээ. Ялангуяа энэ нь амьтдын төрөл зүйлийн тоо толгой болон хүмүүсийн амьдралд сөргөөр нөлөөлөөд зогсохгүй шимэгч хорхой, хордуулагчдыг үй олноор үржүүлэх шалтаг болж магадгүй нь.

Н.СYРЭН, Г.ЛХАГВА