Энэхүү содон ч гэмээр мэдээг танд дуулгая. Хоёр хөдөлгөөний үзэл баримтлалд МУНН-ын намын бодлого ихээхэн нийцэж байгаа ба тэд бусад намуудыг авилгын үүр уурхай хэмээн үзэж байгаа юм байна.

Энэ талаар МУНН-ын Тамгын хэлтсийн дарга Л.Жаргалсайхан ийнхүү ярьж байна.

үideo1

МУНН-ын бага хурал энэ сарын 25-ны өдрөөс хойш хуралдах ба уг хурлаар нэр дэвшигч нарыг эцэслэн шийдвэрлэх гэнэ. Тус нам сонгуулийн сурталчилгааг аль болох мөнгө хэмнэж бага зардлаар хийж болдогыг харуулах бөгөөд нэгдсэн сурталчилгаа хийж, тойрог бүрт сурталчилгааны байр барихгүйгээр явуулын байр ажиллуулах юм байна.

2008 оны УИХ-ын сонгуульд нэр дэвшихээр зэхэж буй ’’Хөх Монгол’’ хөдөлгөөний тэргүүн Д.Гансүрэн сонгуульд нэр дэвших шалтгаанаа ийнхүү тайлбарлаж байна.

үideo2

Тэрээр бид гудамжинд зөндөө тэмцсэн одоо дээд байгуулагад нь орж ажиллах цаг болсон хэмээн хэллээ. Монгол угсаатны төлөө тэмцсээр ирсэн цаашид ч энэ байр суурьнаасаа ухралгүй тэмцэхээ илэрхийлэв.

Мөн өөрсдийгөө мэдлэг боловсрол, уншсан ном зохиол зэргээрээ хэнд ч гологдохооргүй боловсролтой хэмээгээд ер нь боловсрол тийм ч чухал биш хамгийн гол нь Монголоо гэсэн цохилох зүрхтэй байх хэрэгтэй гэж үзэж байгаа талаар ч ярьлаа.

Хоёр хөдөлгөөн нийт 280 гаруй гишүүдтэй ба сонгуульд нэр дэвших саналаа өөрсдөө МУНН-д хүсэлт гаргасан юм байна.

Үзэл баримтлал болон сонгуульд хэрхэн ажиллах талаараа ’’Даяар Монгол’’ хөдөлгөөний тэргүүн Г.Бямбатулга ийнхүү ярьж байна.

үideo3

Тэрээр Монголоос хэдэн арван эрүүл залуусыг гадаадад мал шиг гаргачихаад оронд нь эрүүл өвчтэй нь мэдэгдэхгүй баахан иргэдийг оруулж ирдэгт ихээхэн санаа зовдог гэнэ. Хэн мөнгөтэй нь л нэр дэвшдэг болсон энэ цагт дээрх хоёр хөдөлгөөнийхөн хурааж хуримтлуулсан мөнгө байхгүй ч олон арван гишүүд, дэмжигч нартаа найдаж байгаа гэнэ. Гэсэн хэдий ч мөнгө зайлшгүй хэрэгтэй гэдгийг ухаарч байгаа бизээ.

Тэгэхээр дээрх хоёр тэргүүн МУНН-ын гишүүн биш ба тус намын нэрийн дор бие дааж сонгуульд оролцох юм байна.

Б.Баяр

Ж.Дарханжаргал