Энэ гүтгэлгийн эхний суманд МИАТ-ын дэд захирал асан Н.Хүрэлсүх өртжээ. Тэрбээр энэ удаагийн сонгуульд Ховд аймгаас нэр дэвших гэж байгаа аж. Түүнээс жийрэхсэн өрсөлдөгчид нь барьц алдан сандралдаж, элдэв янзын мэдээллийг хэвлэлээ цацах болсон гэж үзэж байна. Тэрээр түүнийг МИАТ компаний дэд захирал байхдаа хууль бусаар орон сууц, бариулсан болон хариуцдаг барилгын компани нь хилээр их хэмжээний барилын материал хууль бусаар оруулж ирсэн гэх худал мэдээлэл цацсан гэлээ. Энэ байдалтай холбогдуулан АН-ын YЗХ-ны гишүүн Н.Хүрэлсүх хэвлэлийнхэнд хандаж мэдээлэл хийсэн юм.

үideo1

Түүнчлэн сүүлийн үед зөвхөн Ховдчууд төдийгүй монголчуудын санааг зовоож байгаа асуудал болсон Сутай хайрханы орчим Хөшөөтийн уурхай юм. Энэ уурхайн хувьд Монгол улс 13 орчим тэрбум тонны нүүрсний нөөцтэй гэвэл Таван толгой 6,5 тэрбум тонны нөөцтэй, Хөшөөтийн уурхай одоо илрээд байгаа 2,4 тэрбум нөөцтэй. Цаашид 3,4 -4,5 тэрбум нөөц гарах боломжтой, нүүрс нь 7411 кк илчлэгтэй бөгөөд стратегийн ордод зүй ёсоор багтах орд юм. Гэтэл Таван толгойгоос илүү их коксжих чанартай, нөөц Хөшөөтийн уурхай стратегийн ордод өнөөдрийг хүртэл багтаагаагүй. Түүнчлэн энэ уурхайг дагаж их хэмжээний химийн бодис хууль бусаар зөвшөөрөлгүй боомтоор орж ирсэн байдаг. Энэ бүхэнтэй Ардчилсан намаас нэр дэвшигчид нутгийн иргэдтэй нийлж тэмцэж байхад Хөшөөтийн уурхайг Хонгор болгох гэж цуурхал тараалаа гэсэн сөрөг мэдээлэл явагдаж байгаа нь нэгэн үе Ховдчуудын дуу хоолой болж Хөшөөт-ийн уурхайн талаар санал бодлоо илэрхийлж явсан нь өрсөлдөгчдийг нь бухимдуулах болсон байна.

үideo2

Нөгөөтэйгүүр, Хөшөөт-ийн уурхайн нууц ноёнтон гэгддэг УИХ-ын гишүүн Д.Пүрэвдорж, У.Барсболд нарын шидсэн чулуу гэж нутгийн учир мэдэх хүмүүс онцолж байгаа юм байна. Түүнчлэн Байгаль орчны сайд У.Барсболд Ховд аймгийн сонгуулийн штабыг удирдаж байгаа аж. Энэ боломжийг ашиглан худ ургийн холбоотой Д.Пүрэвдорж ахдаа ялалтыг туг бариулах гэж бүхий л аргаа хэрэглэж яваа бололтой.