Монгол Улсын Ерөнхийлөгч Н.Энхбаяр өнгөрсөн жилийн Их дүйчэн өдрөөр олон түмнийхээ хүсэл санаачилгыг дэмжиж, Очирвани шүтээнийг бүтээх тухай зарлиг гаргахаа сонордуулсан билээ. Энэ зарлигийг шүтлэгтэн олон болон энгийн ард түмэн дэмжиж нэг жилийн дотор нийтийн Их шүтээнээ бүтээж чадлаа. Энэ бол Монголын бүх иргэдийн оролцоо, хөрөнгө санхүүгийн дэмжлэгээр бүтсэн эвлэвэл бүтдэгийн тод илэрхийлэл болсон сайхан хэрэг байлаа.

Эвийн шүтээн Очирвани бурханд тахилга үйлдэж, равнай үйлдэх ёслол Монгол Бөхийн өргөөнөө 5 сарын 19, 20-ны өдөр буюу Бурхан багшийн мэндэлсэн билэгт сайн өдөр болж сүсэгтэн олон олноор цугларан мөргөл үйлдлээ.

Очирвани шүтээний бэлэгдлийн талаар болон энэхүү их шүтээн ямар хугацаанд хэрхэн бүтсэн талаар Бурханч лам Г.Пүрэвбат гуайгаас тодрууллаа.

үideo1

Очирвани бурхан таван зүйлээр монголчуудын түүх, соёл, амьдарл, ёс заншилтай барилдсан бурхан юм.

Их шүтээнийг Монгол улсын ирээдүйн аваргууд, шинэ залуу бөхчүүд хүндэтгэлтэйгээр мөрөн дээрээ тавин Монгол бөхийн өргөөнөөс Гандантэгчинлэн хийдэд мөнхлөн залахаар явган хүний замаар авч явлаа.

Их бурхан залж байгаа үйл явдлыг эндээс үзнэ үү.

үideo2

Шүтээн залах ажиллагааны үеэр Монгол бөхийн өргөөнөөс сүсэгтэн олон ард түмэн Их шүтээндээ мөргөн их цуваа үүсгэн даган алхаж байсан нь Монголчууд шашин, соёлоо хэрхэн хүндлэн дээдэлдгийн нэгэн илрэл гэлтэй харагдаж байлаа.

Б.Солонго

Ж.Дарханжаргал