-Эр нөхрөө ажлаасаа ирэхэд амрах боломж олго. Ажлаас үүдсэн стресс бухимдлаасаа салж амжаагүй байхад нь гэрийн ажилд татан оролцуулах гэсний хэрэггүй. Чимээгүйхэн байж байгаад хэсэг хугацааны дараа түүнд санал тавь. Тэр дуртайяа зөвшөөрнө.

-Та хоёрын хэн нэг нь хошин шогийн мэдрэмжтэй байна гэдэг амьдралд тохиолдох элдэв бэрхшээлийг хөнгөхөн давна гэсэн үг. Гэхдээ хошин шогийн мэдрэмж хосуудад харилцан адилгүй түвшинд байдаг. Энэ нь гэр бүлд олж авсан хүмүүжил, төлөвшлөөс хамаарна. Аливаа егөөдөл, хошигносон аястай яриаг эмзэглэн тусгаж авдаг хүн ч бий. Хэрэв та ийм бол нөхрийнхөө хошигнолд уурлаж, дургуйцэх хэрэггүй.

Харин эвтэйхэн үгээр түүний хошгинол таалагдахгүй байгааг ойлгуулах нь хамгийн үр дүнтэй арга.

-Эрчүүд ихэнх асуудлаа эхнэртэйгээ зөвлөлгүйгээр шийдэх дуртай. Юуны өмнө надад мэдэгдсэнгүй гэж уурлаж бухимдах хэрэгггүй. Ажлынх нь явцыг ажигла. Хийсэн ажил нь бүтэмжтэй бол үнэлэлт, дүгнэлт өг. Юм бүхэнд хутгалдах хүсэлгүй, гэхдээ чухал шийдвэр гаргахад нь байлцах ёстойгоо мэдэгд. Тэгвэл дараагийн удаад нөхөр чинь чухал асуудлыг шийдвэрлэхдээ таныг оролцуулах болно.

-Салан задгай байдлаа тэд огт анзаардаггүй. Тэгэхлээр байнга үглэхийн оронд хиртэй хувцас хийх тусгай сав гарга. Ингээд та зөвхөн саванд байгаа хувцсаа л угаах хэрэгтэй. Бусад зүйлийг нь буцаагаад шүүгээнд нь хийж орхи. Явцын дунд нөхөр чинь эмх замбараатай байдлыг илүүд үзэж, хиртэй хувцсаа цэгцлэх болно.

Дугаар 146/819/