Намынхаа төлөө хэнтэй ч муудалцаж, бүр нударга зөрүүлэхээс ч сийхгүй эр. Тэгвэл энэ удаагийн парламентын МАХН-ын бүлэгт ч ийм түшээ эгнээнд нь нэгджээ. Энэ нь Э.Мөнх-Очир.

Ямар ч байсан долдугаар сарын нэгэнд болсон үймээний үеэр МАХН-ын байр шатахад тэрбээр намаа аврах хөдөлгөөн байгуулж байсан. Хөдөлгөөнөө байгуулаад зогсохгүй тэрхүү жагсаалыг зохион байгуулсан ИХН-ын удирдлагууд болох О.Магнай, Ж.Батзандан нартай тооцоо бодохоо зарлаад амжиж байлаа. Түүний хувьд яг тэдэн шиг жагсаал цуглаан зохион байгуулж, чулуугаар нүдэлцэх юм ярьсан.

Гэтэл саяхны шинэ парламентын тангараг өргөх гурав дахь удаагийн оролдлого бүтэлгүйтэхэд тэрбээр тэсвэр алдлаа. Тэснэ тэснэ гэхэд яаж тэсэхэв гэсэн шиг АН-ын дарга Ц.Элбэгдоржийг Та байж бай хэдэн үг хэлээдхэе хэмээв. Тэрбээр намынхаа өмнөөс хэдэн хатуу үг хэлэхийг санаж дээ. Ямар ч байсан тэрбээр шинэ танхимын улаан хамгаалагчийн нэгээр тодрох бололтой.

Дугаар 146/819/