Урлагт хайртай ард түмэн гараа харамгүй сунган, Уран зургийн галерейд хандив өргөлөө. Одоогийн байдлаар 44 сая төгрөг цуглаад байна. Тус галерей үймээнээр нэг тэрбум 600 сая төгрөгийн хохирол амссан гэнэ.

Мөн Уран зургийн галерей шатаж, гэмтсэн зургийг сэргээн засварладаг хоёрхон мэргэжилтэнтэй. Тэд гэмтсэн зургаа сэргээхэд арван жил шаардлагатай гэж ярьж байна. Тиймээс гадаадаас мэргэжилтэн авчирч, ажиллах нөхцөлөөр нь хангах шаардлагатай байгаа гэнэ. Блогчдын SOS хөдөлгөөнийхөн соёлын үнэт өв, уран зургаа сэргээн засварлахад туслахаар хандив цуглуулах 14 хоногийн аян зарлажээ. Дэлхийн өнцөг булан бүрт байдаг блогчдоос цугласан хандивын мөнгийг GoGo.mn, Blogspot.com, Banjig.net, Blog.mn-ийнхэн өчигдөр галарейн хамт олонд гардууллаа.

Б.БОЛОР

дугаар 145/464.465/