Эхнийх нь Нийслэлийн өмчийн харилцааны газраас Соёлын төв өргөөний хохиролтой холбоотой тогтоол таргаж өгөхийг ИТХ-аас хүсчээ. Нийслэлийн өмчийн харилцааны газар Соёлын төв өргөөний хохирлыг нэг тэрбум 723 сая гэж гаргажээ. Тэргүүлэгчид энэ асуудлыг авч хэлэлцээд гурван заалттай тогтоолын төслийг Нийслэлийн Засаг даргад өргөн барихаар болов. Түүнчлэн Нийслэлийн Эрүүл мэндийн газраас нийслэлд үйл ажиллагаа явуулж буй ресторан, бааранд тамхи татахыг цэгцлэх зорилгоор Тамхигүй ресторан шалгаруулах журмын төслийг хурлаар оруулсан юм. Ажлыг жил бүр явуулах бөгөөд шалгарсан ресторанд Тамхигүй ресторан өргөмжлөл, хоёр сая 500 мянган төгрөг, Тамхигүй ресторан гаднах хаягаар шагнах болзолтой. Энэ асуудлыг хурлаар хэлэлцэн журам, болзлыг нь батлав. Мөн цол хүртэх, одон медалиар шагнахаар тодорхойлогдсон 40 гаруй хүний материалыг оруулсан. Мөн Нийгмийн ухааны дээд сургуулийг Академич Ш.Нацагдоржийн нэрэмжит болгох зэрэг асуудлыг хэлэлцэн баталсан юм.

Ч.Энхбат

Дугаар 182/2942/