Ус ариутгал, дулаан, уур үйлдвэрлэл, нүүрс олборлолт, төмөрлег бус эрдэс бодисоор хийсэн эдлэл үйлдвэрлэл, цахилгаан машин хэрэгсэл үйлдвэрлэл зэрэг салбарын үйлдвэрлэл 2-6.4 дахин өсчээ. Харин арьс, шир боловсруулах, машин тоног төхөөрөмжөөс бусад төмөр эдлэл үйлдвэрлэл үслэг арьс боловсруулалт зэрэг салбарын үйлдвэрлэлт 2.2-37.5 хувь буурсан байна. Аж үйлдвэрийн мэдээнд хамрагдсан гол нэрийн бүтээгдэхүүнийг өмнөх оны мөн үетэй харьцуулбал 58.5 хувийнх нь үйлдвэрлэл өссөн аж. Аж үйлдвэрийн гол нэр төрлийн бүтээгдэхүүнээс цахилгаан, дулаан, нүүрс, газрын тос, хайлуур жоншны баяжмал, цайрын баяжмал зэрэг бүтээгдэхүүний үйлдвэрлэл биет хэмжээгээр өссөн байна. Харин 35 хувийн агуулгад шилжүүлсэн зэсийн баяжмал, алт, гурил, спирт, дарс, өлөн гэдэс, тарилгын эм, лаа зэрэг бүтээгдэхүүний үйлдвэрлэл биет хэмжээгээр буурав. Аж үйлдвэрийн салбарын дүнгээр энэ оны эхний хагас жилийн байдлаар 1456.4 тэрбум төгрөгийн бүтээгдэхүүнийг дотоод, гадаадын зах зээлд борлууллаа.

Дугаар 149 /169/