Хэлэлцээр бүтэлгүйтсэнд ДХБ-ын албаныхан АНУ, Хятад, Энэтхэгийг буруутгажээ. Анх 2001 онд Дохад гараагаа эхэлсэн цуврал хэлэлцээр нь олон улсын ирээдүйн худалдааны чиг хандлагыг тодорхойлох зорилготойгоор өдий хүртэл үргэлжилсэн юм. Хэлэлцэгчдийн санал зөрсөн гол асуудал нь фермерийн бүтээгдэхүүний импортын татвараас болжээ. ДХБ-ны батлах гэсэн дүрмээр бол ядуу фермерүүдийг үнийн уналт, импортын бүтээгдэхүүний өсөлтөөс хамгаалахын тулд зарим бүтээгдэхүүнд татвар ногдуулах тухай юм. Харин АНУ, Энэтхэг, Хятад гурав хэдий хэр татвар ногдуулах тал дээр бусадтайгаа санал зөрөлдөж байгаа аж. Дохагийн дугуй ширээний ярилцлага ДХБ-ын гишүүн орнуудын байр суурийн зөрүүнээс хамааран одоо хүртэл тодорхой шийдэлд хүрч чадаагүй юм. АНУ, Европын холбоо нь Хятад, Энэтхэг гэх мэт шинээр өргөжин тэлж байгаа зах зээлтэй илүү нягт хамтран ажиллахыг чармайж байгаа бол хөгжиж буй орнууд Европ, АНУ-ыг түншээ болгохыг хүсч байна. Энэ мэтээр үзэл бодол нь нэгдэхгүй байгаа ДХБ-ын хэлэлцээр хэзээ цааш үргэлжлэх нь тодорхойгүй байна.

дугаар 145/464.465/