Хамгийн сүүлд л гэхэд Жорж Буш эхнэр Лорагаасаа салах гэж байгаа тухай дуулиан дэгдэв. Энэ талаарх мэдээллийг ерөнхийлөгчийн гэр бүлийн хамгийн ойр эх сурвалжаас авсан гээд National Examiner сонин бичжээ. Мөн Жорж, Лора хоёр хоорондоо бараг ярилцдаггүй. Албан ёсны арга хэмжээн дээр л дуугардаг. Жорж аз жаргалгүй, Лорагаа бүү яваасай гэж хүсч байна. Гэвч Лорад бүх зүйл утгагүй санагдаж, тэр зөвхөн өөрийн амьдралаараа амьдрахыг хүч байна гэдгийг нь ч онцолжээ. Харин Италийн La Repubblica сонинд Ирэх онд Бушийг ажлаа өгөх хугацааг л хүлээж байна гэж бичсэн аж. АНУ-ын хууль дүрмээр гэр бүл салахад эмэгтэйчүүдэд хангалттай нөхвөр ногддог.

Энэ удаа Лорад 20 сая ам.долларын чек бичигдээд байгаа гэх. Тиймээс. Бушийн бүрэн эрхийн хугацаатай хамт дуусах гэрлэлтийн гэрээ л хүлээж байгаа аж. Тэд аль эрт салсан ч Бушийн гэр бүл байгаа мэтээр харуулж байгаа нь улс орныхоо нэр хүндэд асар их үүрэг гүйцэтгэсэн гэдгээ ч тэр хоёр ойлгож байна.

National Examiner сонины дүгнэж буйгаар тэдний салалтын шалтгаан нь ерөнхийлөгчтэй холбоотой аж. Өөрөөр хэлбэл, Ерөнхийлөгч Төрийн нарийн бичгийн дарга хүүхэнтэйгээ нууц харьцаа тогтсон гэх сэжиг байгаа юм байна. Сексгейтын бүгд найрамдахчуудын сүмстэй хувилбарын талаар Бушийн захиргаанд байсан нэгэн мэдээлэл өгч Цагаан ордноос хол газар амс хийхээр Лора нэгэн удаа буудал хөлслөж байсан хэмээн сонин дурьдсан байна.Буш, Райс хоёрын жиг ургуулсан тухай Америкийн хэвлэл анх удаагаа шуугиж байгаа биш.

Хоёр жилийн өмнө хэвлэлүүд Цагаан ордны эзэнтэй албаны хайр ургуулсан гэж Кондолиза Райсын талаар шуугиан босгож байв. Тэр үед Бушийн үндэсний аюулгүй байдлын шинжээч байсан тэнгисийн цэргийн офицер Уэй Мэдсон ярихдаа ерөнхийлөгч өөр эмэгтэйчүүдийг сонирхох болсон. Тэдний нэг нь Төрийн нарийн бичгийн дарга гэж хэлсэн байна. Энэ тухай цуу яриа Лорагийн чихэнд хүрч, тэрбээр ерөнхийлөгчтэй маргалдсаны дараа гэрээсээ зугтан Вашингтоны May Flower гэсэн нэртэй буудалд шөнийг өнгөрөөж байсан гэнэ. Лора тэнд байсныг тэргүүн хатагтайн хамгаалалтад гарсан нууц албаныхан батлан хэлж байгаа ажээ.

Энэ бүгдтэй холбогдуулан Кондолиза Райсын ам алдсан жишээг сонин гаргаж ирэв.

Хэлэх үгээ маш цэгнэн ярьдаг, нөхөргүй Райс Вашингтонд болсон нэгэн хүлээн авалт дээр Би нэгэн удаа нөхөртөө хэлэхдээ… гэж ам гарснаа тэр даруйд нь залруулж Би нэгэн удаа ерөнхийлөгч Бушид хэлэхдээ . . . гээд яриагаа үргэлжлүүлсэн гэдэг. Ерөнхийлөгч Төрийн нарийн бичгийн даргатайгаа ойр гэдгийг Нью-Йоркийн НҮБ-ын саммит дээр Райс бичсэн зурвасаас харж болох юм. Нэгэн гэрэл зурагчин тэр зурвасын бичгийг уншигдахаар зургийг нь авсан байлаа. Би бие засахаар ариун цэврийн өрөөнд очих хэрэгтэй байна. Болох болов уу гэсэн утгатай зурвасыг ерөнхийлөгч бичсэн аж. Харин Райс хэрхэн хариулсан нь тодорхойгүй. Райсийг Бушийн гэр бүлийн найз гэдэг. Бушийг муулагчдын яриагаар Райс гадаад бодлогын хичээлийг Бушид ойлгомжтойгоор тайлбарласантанц хүн аж.

Үүнээс үүдэн тэр Бушийн гэр бүлийн дотны хүн нь болжээ. Хэвлэлд бичсэнээр Райс өдөрт заавал нэг удаа ерөнхийлөгчтэй утсаар ярьдаг байна. Энэ эмэгтэй улстөрчийн өргөн мэдлэг боломжтой, Бүгд найрамдахчуудын хувьд энэ эмэгтэйгээс өөр хурцаар гэрэлтэх од үгүй гэж 2000-2004 онуудад ерөнхийлөгчийн хэвлэлийн зөвлөх Марк Миккиннон ярьж байна. Райс 2005 онд Төрийн нарийн бичгийн дарга болсноосоо хойш ерөнхийлөгчийн улс төрийн шийдвэрийг, эргэлзээнд тавьж байсангүй. Үүнийхээ зэрэгцээ тэр эмэгтэй өөрийгөө ерөнхийлөгчийн алдартай бус шийдвэрийн золиос болгоогүй авъястан. Иракт америкчууд нэвтэрхэд Райс ерөнхийлөгчийн Үндэсний аюулгүй байдлын зөвлөх байсан бөгөөд олон нийтийн санал асуулга Райст Ирак огт хамаагүй мэтээр хариулагдсан байдаг ажээ. .

Дугаар 149 /169/