Уралдаан насанд хүрэгчид, хүүхэд гэсэн хоёр ангилалаар болно. Оролцогчдын тоо хязгааргүй бөгөөд гар зургийн уралдаанд оролцогчдын бүтээл 40×60 сантметрээс доошгүй, 80×90 сантметрээс дээшгүй хэмжээтэй байх аж. Харин гэрэл зургийн уралдаанд оролцогчдынх 20×25 сантметрээс дээш хэмжээтэй байх юм байна. Оролцох уран бүтээлчид өмнө нь ямар нэгэн уралдаанд оролцоогүй байх бөгөөд бүтээлээ жаазалсан байх ёстой аж. Мөн өөрийн нэр, зургийн нэр, үнэ, холбогдох утас зэргийг тодорхой бичиж ирүүлэх хэрэгтэй юм байна. Уралдаанд оролцогчдоос нийт 112 хүн шагнал хүртэх бөгөөд эхний найман байранд орсон уран бүтээлчийг хүндэт өргөмжлөлөөр шагнах аж. Мөн 20 уран бүтээлчийг тусгай байранд шалгаруулж шагнаж урамшуулах юм байна. Уралдаанд шалгарсан бүх уран бүтээлчийн бүтээлийг Энхийн үзэсгэлэн-д оролцуулах онцгой эрх олгрх ажээ. Оролцогчдыг энэ сарын 30-наас ирэх сарын 10-ныг дуустал бүртгэх бөгөөд бүтээлийг найман сарын 29-ныг дуустал Дэлхийн энхийн их наадмыг зохион байгуулах комисс хүлээн авах ажээ. Энэхүү уралдааны дүн есдүгээр сарын 2-ны өдөр гарч 6-ны өдөр шагнал гардуулах юм байна.

Дугаар 149 /169/