Иргэдээс албан хаагчдын нэр дээр ирүүлсэн гомдлыг бүртгэх картыг ажиллагсдынхаа дунд хөтөлж гурваас дээш удаа гомдол бүртгүүлсэн албан хаагчид арга хэмжээ авч байхаар болжээ. Өнгөрсөн хугацаанд газрын албаныхан албан үүргээ хангалтгүй биелүүлсэн хоёр дүүргийн газрын албаны даргыг албан тушаал бууруулан, нэг ажилтанд сахилгын шийтгэл ногдуулж, 17 ажилтныг ажлаас чөлөөлсөн байна.

Нийслэлийн Газрын албаны дарга Ц.Сандуй энэ албан тушаалд очсоноороосоо хойш ажлын хариуцлага, ёс зүй, зан харилцаатай холбоотой байж болзошгүй гэж үзсэн асуудлыг Авлигатай тэмцэх дэд зөвлөлийн хурлаар хэлэлцүүлж, холбогдох арга хэмжээ авч байх журамд шилжүүлсэн байна. Мөн үйл ажиллагааныхаа талаарх мэдээллийг нээлттэй болгож, нэг албан тушаал дээр удаан жил ажиллаж байгаа албан хаагчдыг дэс дараатай сэлгэн ажиллуулах шийдвэр гаргажээ.

Д.Тамир

Дугаар 146/819/