Загвар өмсөгч Кейт Моссгүйгээр Topshop-ийг төсөөлөхөд бэрх байдгийн адилаар Жизель Бундхенгүйгээр Ipanema олны танил болохгүй байсан. Нэг хэсэг ресторан нээж ажиллуулсан Бритни Спирс, нэрийнхээ сүрчгийг үйлдвэрлэсэн Мэрайн Кэри, Женнифер Лопез гээд шоу ертөнцөөс гадна бизнест хүч сорьсон алдартны нэрсийн жагсаалт цааш үргэлжилнэ. Үүнээс зарим нэг ажил хэрэгч оддын бизнесээс сонирхуулья.

Шерил Кроу сүүлийн үед урлагийн ертөнцөд төдийлөн идэвхтэй ажиллахгүй байгаа. Үүний учир нь тэрээр бизнестээ илүү анхаарал тавьж байгаатай холбоотой гэнэ. Дуучин бүсгүй 350 гаруй загварын жинсэн хувцас үйлдвэрлэж худалдаанд гаргаж эхэлжээ. Ирэх оны хавар үүнээс ч олон бүтээгдэхүүн хэрэглэгчдэд хүргэхээр тэр одоо ажиллаж байгаа аж. Шерил Кроугийн нэг жинсэн өмд 60 ам.долларын үнэтэй юм байна.

Жүжигчин Сандра Баллок. Тэр ч бас сүүлийн үед кино дэлгэцнээ ховорхон үзэгддэг болсон. Харин энэ хойгуур тэрээр хувийн бизнесээ амжуулж байгаа гэнэ. Гэхдээ тун өвөрмөц бизнес. Сандра Баллок гар хийцийн лаа үйлдвэрлэж байгаа аж. Янз бүрийн хэлбэр хийцтэй, хамгийн гол нь хүний биед хоргүй, өвөр¬мөц дизайнтай лаа бүтээж түүнийгээ Bess Bistro and Bessence гэж нэрлэжээ. Нэг бүр нь 40 ам.долларын үнэ¬тэй лааныхаа хэлбэр хийцийн патентыг тэрээр өөрийн нэр дээр баталгаажуулсан байна.

Роберт Ди Неро. Нас ахиж яваа жүжигчийн Роберт Ди Неро Лос Анжелост Итали хоолны зоогийн газар ажиллуулдаг. Холливудын одынх гэдгээрээ мэдээж тус ресторан олны анхаарлыг татаж, тийшээ цуврах хүмуүс тасардаггүй гэнэ.

Жастин Тимберлэйк. Жастины жинс нэртэй хувцас худалдаанд гараад удаагүй. R&B дуучин нэрийнхээ жинсийг сурталчилж, олонд таниулахын тулд одоо онлайн цуврал рекламд тоглож байгаа гэнэ. Бэлэн хувцасны бизнесээс гадна тэрээр Өмнөдийнхний зочломтгой зан нэртэй барбекью ресторан Манхаттенд нээжээ.

дугаар 145/464.465/