80 хүнд эрүүгийн хуулийн 153 дугаар зүйлийн хоёр дахьхэсэгт заасан Бусдын эд хөрөнгийг санаатай устгасан буюу гэмтээсэн, энэ гэмт хэргийг галдан шатаах буюу нийтэд аюултай бусад аргаар үйлдсэн, эсхүл энэ хэргийн улмаас хүний амь нас хохирсон, бусад хүнд хор уршиг учирсан, 147 дугаар зүйлийн хоёр дахь хэсгийн Бусдын эд хөрөнгийг авах зорилгоор амь биед нь аюултайгаар хүч хэрэглэж дээрэмдсэн, 230 дугаар зүйлийн дөрев дэх хэсэгт заасан Төрийн алба хаагчийг эсэргүүцэж хүнд гэмтэл учруулсан гэсэн үндэслэлээр яллах дүгнэлт үйлдүүлэхээр шилжүүлсэн байна.

ЦЕГ-ын Хэвлэл мэдээллийн тевийн дарга, хурандаа Т.Сайнжаргал Нийслэлд долдугаар сарын 1-нд болсон үйл явдалтай холбоотойгоор 731 хүнийг шалгасан. Одоо Ганц худагийн цагдан хорих төвд 187 хүнийг хорьж байгаагийн 80-д нь яллах дүгнэлт үйлдүүлэхээр шилжүүлсэн. Зуу гаруй хүнийг мөрдөн байцаах ажиллагаа дуусаагүй. 161 хүнийг эрүүгийн хэрэгт холбогдолгүй гэж үзсэн. 700 гаруй хүнийг цагдан хорилгүй шалган яллах, цагаатгах нотлох баримт цуглуулсан гэж мэдээлсэн юм.

Цагдан хорих төвд одоо найман хүүхэд байгаагийн хоёрынх нь хэрэг шийдвэрлэгдээгүй байна. Мөн дөрвөн эмэгтэйг шалгаж байгаа гэсэн юм. Цагдаагийн байгууллагаас сэжигтэн хоригдогчййн, ялангуяа төлбөрийн чадваргүй хүмүүсийн хууль ёсны эрхийг хамгаалуулах үүднээс Монголын өмгөөлөгчдийн холбоо, Нийслэлийн өмгөөлөгчдийн зөвлөлд хандан хүсэлт гаргаад байгаа аж. Одоогоор цагдан хоригдож буй 187 хүний 90 гаруй нь эргэлт аваад байгаа аж.

Б.Цэцэг

Дугаар 149 /169/