Харин хаанахын хэн гэдэг тамирчин спортын ямар төрөлд ямар медалиар энгэрээ мялаах бол гэдэг нь тэмцээн өндөрлөтөл таамаг хэвээр байна. Харин спортын эргэн тойронд юу болж байгааг мэдэж ухаж төнхөж байдаг хашир туршлагатай сэтгүүлчвд доорхи таамгийг дэвшүүлж нийтэлсэн байна. АНУын Sports Illustrated-ын редакц дэлхийд нэр хүндтэй сэтгүүлчдийнх нь ур чадвар өндөр, дэлхийн хэмжээний уралдаан тэмцээний дүн шинжилгээг дажгүй онож бууддагаараа алдартай. Тиймээс саяхан Mongolia has 15 Olympic medals but no golds буюу Монгол Улс олимпоос 15 медаль хүртсэн ч алтан медальгүй гэсэн нийтлэлийг гаргасан байна.

Үүнд манай тамирчдаас алт, хүрэл медаль хүртэнэ хэмээн таамаглахаас гадна манай тамирчдын өрсөлдөх чөлөөт бөх, буудлагьш спортын төрөлд ямар тамирчид медальд хүрэхийг гаргажээ. Үүнд чөлөөт бөхийн эрэгтэй 55 кг-ын жингийн бөхчүүдээс ОХУ-ын Бесик Кудуков олимпийн аварга болж, Болгарын Р.Беликов мөнгө, Кубын А.Морено, АНУ-ын Х.Кэйжүдо хүрэл медаль гэж таамаг дэвшүүлсэн байна. Энэ жинд манай тамирчин Б.Наранбаатар барилддаг бөгөөд тамирчин маань өнгөрсөн өвөл Москвад болсон тэмцээний үеэр одоо олимпт аварга болж алтан медаль авна гэж таамаглаад байгаа Бесик Кудуковыг ялж байсан юм. Гэтэл үүнийг Sports Illustrated зүгээр аз байсан хэмээн үзэж байгаа бололтой.

Гэхдээ монголчууд амны билгээс ашдын билэг хэмээдэг болохоор манай тамирчид үүнийг хүндээр тусгах хэрэггүй бөгөөд харин хүчтэй өрсөлдөгч тамирчдаа мэдээд авчих хэрэгтэй юм. Тэгээд хэрхэн барилдах арга барилаа боловсруулах хэрэгтэй болов уу гэж миний зүгээс бодож байна. Үүнээс гадна манайхан буудлагын спортын тамирчиддаа ихээхэн итгэл найдвар хүлээлгэж байгаа билээ. О.Гүндэгмаа, Ц.Мөнхзул нарын өрсөлдөх 10 метрийн хийн болон 25 метрийн спорт гар бууны төрөлд ямар тамирчин түрүүэхийг таамагласан боловч манай тамирчдын нэр үүнд байсангүй. Ингээд 10 метрийн хийн rap бууны төрөлд Хятадын Гуо Вэнь Жун олимпийн аварга болж, ОХУ-ын Наталья Падерина мөнгө хүртэж, Францын С.Тирде хүрэл медаль авна гэсэн байна. Харин 25 метрийн спортын гар бууны төрөлд Сербийн Ясна Секарич олимпийн аварга болж, Австралийн Л.Яхлевская мөнгө, Хятадын Чен Янь хүрэл медаль зүүнэ хэмээн төлгөндөө буулгасан ажээ.

Иймээс эдгээр нэр нь тодорсон тамирчид манай тамирчдьш гол өрсөдцөгч болох нь мэдээж юм. Харин Sports Illustrated-ийн таамагласнаар манай улсад буусан ээлтэй төлөг гэвэл Боксын 54 кг-ын жинд Монголын тамирчин Э.Бадар-Ууган алтан медаль хүртэж, олимпийн аварга болно гэсэн байна. Харин ОХУьш тамирчин, дэлхийн аварга Сергей Водопьянов мөнгө хүртэж, АНУ-ын тамирчин Г.Рассель, Хятадын Гу Юү нар хүрэл медаль авна хэмээсэн нь сайхан санагдав. Мөн жүдо бөхийн эрэгтэйчүүдийн 60 кг-ын жинд Голландьш тамирчин Р.Хоукес алт авч, Японы тамирчин Х.Хирораки мөнгө хүртэнэ гэсэн бол Монголын Х.Цагаанбаатар, Гүржийн Н.Кержиани нар хүрэл медаль дээр бууна гэж айлдсан байна.

Ингээд тус редакцийн үзэж байгаагаар энэ жилийн Бээжингийн олимпийн наадамд АНУ-ын тамирчин 45 алт, 44 мөнгө, 32 хүрэл нийт 121 медаль хүртэнэ гэсэн бол Хятадын баг тамирчид 49 алт, 28 мөнгө, 25 хүрэл нийт 102 медаль авна гэсэн байна. Харин ОХУ 25 алт, 28 мөнгө, 22 хүрэл гээд 75 медаль авч багийн дүнгээр гуравт орох бол Австрали, Германы баг дараагийн байрт орно гэсэн байна. Юутай ч манай тамирчид үүнд эмзэглэх хэрэггүй бөгөөд өөрсдийн өрсөлдөгчдөө сайн судалж бэлтгэлээ сайн базаах нь чухал билээ.

Дугаар 170 /2457/