Гэвч энэ хөтөлбөрт өөрчлөлт оржээ. Кувейтийн эрхэм дээд Эмир Шейхийн Монгол улсын Ерөнхий сайдтай хийх албан ёсны уулзалт хөтөлбөрөөс хасагджээ. Хүндэт зочин маань Монгол улсын Ерөнхийлөгчтэй наймдугаар сарын нэгэнд Ерөнхийлөгчийн өргөөнд хүндэтгэлийн зоог бариад, хоёронд эх орондоо буцах юм байна. Эрдэнэс баялгийн эзэнт гүрний эрхэм дээд Эмир шейх өмнө нь Узбекстан, Морокка улсад зочилҗ, амарч байсан байна. Тэрбээр манай улсад долоодугаар сарын 23-нд хөл тавиад дагалдан яваа хүмүүсийнхээ хамт Монголын хөдөөг зорьсон билээ. Түүний амралт тусгай хөтөлбөрөөр явагдсан бөгөөд албаны хүмүүс Эмирийн амралтыг тун ч нууцгайлж байгаа. Ямартай ч хүндэт зочин эрхэм дээд Эмир шейхийг Төв аймагт тусгайлан зассан отогт хүлээн авч, тухлуулж, Өгийнуураар аялуулах хөтөлбөртэй байсан. Түүний албан намтарт амралт чөлөөт цагаараа загасчлах дуртай хэмээн дурдсан байсан. Загасчлах хоббитой эрхэм зочин маань Чингисийн Монголд амарч, алжаалаа тайлах хугацаандаа Өгийнуурт загасчилсан болов уу.

Н.Нягт

Дугаар 154/9710/