Өчигдөр ОХУ-ын тулгууртай харайлтын нэрт тамирчин Елена Исинбаева 5.04 метр дээгүүр харайж, дэлхийн дээд амжилт буюу өөрийнхөө тогтоосон амжилтыг дахин шинэчлэн тогтоолоо. Дөнгөж 20 нас шүргэж яваа түүнийг оргил үе дээрээ яваа жинхэнэ шилдэг тамирчин хэмээн дэлхий түүнийг үнэлж байна. Дээрх амжилтыг тогтоохоосоо өмнө, өнгөрсөн долоодугаар сарын 11-нд Италийн нийслэл Ром хотноо болсон тэмцээн дээр 5.03 метрээр дэлхийн дээд амжилтыг 23 дахь удаагаа шинэчлэн тогтоосон билээ.

Спорт сонирхогчид түүнийг ирэх сард болох олимпын наадмын алтан медалийн эзнээр аль хэдийн тодруулсан билээ. Тэрбээр Монакод үзүүлсэн амжилтынхаа талаар Үнэхээр санаад оромгүй зүйл боллоо. Гэхдээ маш их баяртай байна. Энэ бол Монакод гаргасан хамгийн анхны том амжилт. Миний бэлтгэл сайн ханасан байсан. Бас өөртөө их итгэлтэй байсан л даа. Энэ эрчээрээ олимпод оролцохыг хүсч байна. Энэ удаад би дэлхийн гэхээсээ илүү өөрийнхөө амжилтыг л эвдсэн. Цаашдаа ч олон дээд амжилтыг шинэчлэн тогтоож, илүү их амжилт гаргахыг хүсч байна хэмээжээ.

Дугаар 154/9710/