ул хөрсийг зөөвөрлөх, саармагжуулах, булшлах ажлын явц, булган, Дорнод аймагт болсон гамшигт үзэгдлийн улмаас учирсан хохирлыг арилгах талаар хэлэлцсэн.

1.Гар, хөл, амны өвчний талаар

5 дугаар сарын 8-нд анх Улаанбаатар хотод бүртгэгдсэн гар, хөл, амны өвчнөөр өвчилсан хүний тоо 7 дугаар сарын 31-ний байдлаар 2985 боллоо. Үүний 1391 нь Улаанбаатар хотод, 1594 нь аймгуудад байгаа юм. Дорнод /379/, Сүхбаатар /349/, Төв /169/, Сэлэнгэ /115/, Хэнтий /145/, Дорноговь /103/ аймагт өвчлөл харьцангуй өндөр байна. Ялангуяа Дорнод аймгийн Булган, Гурванзагал сумаас бусад бүх суманд энэ өвчин гарсан.Нийслэлийн хувьд Баянзүрх дүүрэгт /339/, Сонгинохайрхан дүүрэгт /270/ тохиолдол бүртгэгдлээ. Гар, хөл, амны өвчний дийлэнх хувь нь эрүүл ахуйн нөхцөл маш муу, ил задгай хог хаягдал, хөрсний бохирдол ихтэй, борооны улмаас тогтоол ус, шалбааг үүссэн бие засах газар, бохирын цооног ихтэй газар гарч амьдралын боломж муутай айл өрхийн хүүхдүүд илүү өртөж байна. Бороо их орж байгаа учир үер, борооны ус зайлуулах суваг, хоолой бий болгох, нойтон хөрсийг хатаах, халдваргүйжүүлэх, гудамж, зам, талбайд тогтмол ус, шалбааг үүсгэхгүй байх, ийм газарт хүүхдүүдээ тоглуулахгүй байх зөвлөмжийг хэвлэл, мэдээллийн хэрэгслээр хүргэх зэрэг арга хэмжээ авахыг аймаг, нийслэлийн дарга нарт даалгалаа.

Жич. Энэ оны 7 дугаар сарын 25-ны өдрийн байдлаар БНХАУ болон Азийн улс орнуудад гар, хөл, амны өвчний дэгдэлт гарсаар байна. Тухайлбал БНХАУ-д 176 321 тохиолдол бүртгэгдэж 43 хүн нас баржээ. Сингапурт 16688 тохиолдол бүртгэгдсэн бол Тайваньд 325 тохиолдол бүртгэгдэж 10 хүн анм баржээ.

2. Химийн хорт бодисоор бохирдсон шлам, ул хөрсийг зөөвөрлөх, саармагжуулах, булшлах ажлын талаар

Өнөөдрийн байдлаар нийт 6 аймгийн 10 сумын 79 цэгт хуримтлагдсан 29 166 м/куб буюу 43 749 тонн шламыг тээвэрлэж, химийн бодисоор бохирдсон 24 495 метр квадрат талбайн хөрсийг хуулж саармагжуулалт хийжээ. Иргэдийн гар дээр байсан шламаас мөнгөн ус, алтыг нь ялгаж иргэдэд өгөх ажлыг зохион байгуулж байна. Хэдийгээр холбогдох байгууллагууд нь ажлаа шуурхайлж байгаа ч ухсан нүх, жалганд их хэмжээний шлам байгаа нь нэмж илэрсээр байна. Гар аргаар алт олборлож байгаа иргэдийг ажлын байртай болгох явц удаашралтай байгаад НХХЯ анхаарахыг Онцгой комиссийн хурлаар санууллаа.Саармагжуулах, тээвэрлэх ажилд оролцож байгаа болон булшлах цэгийн ойр орчимд ажиллаж, амьдарч байгаа хүмүүст шинжилгээ хийхэд мөнгөн усны цочмог болон архаг хордлоготой хүн илрээгүй байна. Мэргэжлийн байгууллагууд хийж байгаа ажлынхаа талаар ирэх 7 хоногийн Засгийн газрын хуралдаанд танилцуулах боллоо.

3. Байгалийн гамшгийн талаар

Энэ сарын 25-ны өдөр Булган аймгийн төвд 15-48 м/секундын хүчтэй салхи болж аймгийн төвөөс гадна Баяннуур сумын төв, Сэлэнгэ, Орхон сумын зарим хэсэг өртжээ. Аюулт үзэгдлийн улмаас 18 хүн гэмтэж бэртэн эмчлүүлж байна. Салхины улмаас цахилгаан, шугам, сүлжээний дэд станцад гэмтэл гарч гэрэл, холбоо, шилэн кабелийн шон олноор унасныг засварлаж байна. Улсын болон аж ахуйн нэгжийн 32 барилга, иргэдийн 367 байшингийн дээвэр хуурч 62 гэр нурж хэмхрэн 874 хашаа унажээ. Үүний улмаас Булган аймгийн хэмжээнд нийт 660 гаруй сая төгрөгийн хохирол учирсан гэж тооцоолж байна. Улсын Онцгой комиссын хурлаар үүнийг хэлэлцэн 428,8 сая төгрөгийг Засгийн газрын нөөц хөрөнгөнөөс гаргах, үлдэх 198,9 сая төгрөгийг нэр бүхий 8 сайдын багцаас гаргах нь зүйтэй гэж үзлээ. Асуудлыг ирэх 7 хоногт Засгийн газрын хуралдаанд оруулах юм байна. Харин Дорнод аймагт болсон хохирлыг газар дээр нь тооцоолох ажлын хэсгийг байгууллаа. Энэ сарын 9-ний өдөр Дорнод аймагт хүчтэй салхи болж, аадар бороо орсны улмаас их хэмжээний хохирл учирсан юм. Халхгол, Хэрлэн, Баян-Уул сумын төвд 3 орон сууц, байгууллага аж ахуйн нэгжийн 9 барилгын дээвэр, шувуун нуруу хийсч, холбооны агаарын шугамын 17, цахилгаан дамжуулах шугамын 10 тулгуур эвдэрч 10 айлын гэр, байшин нурж, 5 гэр ашиглах боломжгүй болсон юм.

Улсын Онцгой комисс