Тус гүүрийг ашиг¬лалтад оруулахаар уржигдар орой 20 цагийн үед Морин хуур цогцолборт тууз хайчлах ёслол болжээ. Уг арга хэмжээг аймгийн Засаг дарга Д.Хаянхярваа, аймгийн ИТХ-ын тэргүүлэгчдийн дарга Л.Гүнчин нар тууз хайчилж нээсэн байна. Үүний дараа нээлтэд оролцсон иргэд дүүжин гүүрэн дээгүүр явж сонирхжээ. Дүүжин гүүр нь Бурхантай толгой, Морин хуурын цогцолбор, Миний монгол цэцэрлэгт хүрээлэн гэсэн хотын соёл, амралтын байгууламжуудыг хооронд нь холбож, иргэдэд авто машины хөдөлгөөнөөс айх аюулгүй амгалан зорчих боломж олгож буйгаараа ач тустай юм байна. Дархан хотын өнгө жавхаа болсон энэхүү өвөрмөц байгууламжийг инженер Ч.Пүрэвдорж, Б.Очиржав нарын зураг төслөөр хийж байгаа гэнэ. Төслийг БНХАУ-ын Ли Хуа зам гүүр байгуу¬ламж ХХК-ийн инженерүүдийн тооцоо технологиор үндэслэн Бугат хотын металлургийн комбинатад хийжээ. Тус байгууламжийг хоёр сарын хугацаанд угсарч ашиглалтад оруулж байгаа юм байна.

Ж.Хүслэн

Дугаар 170 /2457/