Аризона муж улсын сенатч мягмар гарагт Си-Эн-Эн агентлагийн нэвтрүүлэгт оролцох үеэрээ 16 сарын хугацаанд америк цэргүүдийг Иракаас гаргах тухай төлөвлөгөөнд дэмжлэг үзүүлэх боломжтой гэдгээ мэдэгдсэн байна. Иракаас америк цэргүүдийг гарах энэ асуудал нь нэр дэвшигч Барак Обама болон түүний өрсөлдөгч Хиллари Клинтон нарын Иракийн бодлогын тухай гол сэдэв билээ. Хэрэв аюулгүй байдал хангалттай сайжирсан гэж цэргийн хүчний удирдлагууд үзэж байвал цэргүүдийг Иракаас гаргах хэрэгтэй гэж Маккейн мэдэгдэж байгаа юм. Харин Обамагийн хувьд ямар нэг болзолгүйгээр Иракаас америк цэргүүдийг гаргах хэрэгтэй гэж үзэж байгаа нь энә асуудалд санал нэгдсэн хоёр нэр дэвшигчийн хоорондын ялгаа ажээ. Маккейн Иракийн бодлогын тухай эрс өөр шийдвэр гаргасан нь дээрх мэдэгдэл болжээ. Тэрээр өмнө нь Иракаас цэрэг гаргахыг эсэргүүцэж байсан юм. Гэсэн хэдий ч тэрээр 2003 онд Ирак улсад нэвтрэн орсон нь зөв шийдвэр гэсэн байр сууриндаа одоог хүртэл зогсч байгаа аж. Саддам Хуссейны хүмүүсийн үй олноор устгах зэвеэгтэй болох бодол алга болсон. Бид зөв зүйл хийсэн гэж би боддог хэмээн Маккейн ярьжээ.

Дугаар 170 /2457/