Өнгөрсөн гуравдугаар сард шатахууны үнэ нэмэгдэж өнөөдрийн үнэд хүрсэний дараа нийтийн тээврийнхэн, такси компаниуд үнээ нэмэх талаар асуудал тавьж байсан. Харин энэ бүхнийг ямар ч боломжгүй зүйл хэмээн үнээ нэмэхийг нь хориглосон. Нийтийн тээврийнхэн ч үүнд дурамжхан байж, алдагдал амсаж байгаа хэмээн гомдол тээж үлдсэн билээ. Харин дизель түлшний үнэ нэмэгдсэн нь нийтийн тээврийнхэнд бөөн баяр болов бололтой. Нийтийн тээвэр эрхлэгчдийн холбооноос нийслэлийн Тээврийн газарт тасалбарынхаа үнийг нэмэх саналаа ирүүлжээ. Тэд том оврын автобусаар зорчигчдын тасалбарыг 400 төгрөг болгох эртний бодлоо гүйцэлдүүлэхийг хүсч байгаа аж.

Үүнийхээ шалтгааныг том оврын автобусуудын хэрэглэдэг дизель түлшний үнэ дахин нэмэгдэж 1470 төгрөг болсонтой холбон тайлбарлажээ. Микро автобуснууд ч тэднээсхоцрохыг хүсээгүй бололтой. Харин тэдээд албаны хүмүүс нь одоогоор нэмэх боломжгүй гэсэн хариулт өгч байгаа гэнэ. Арга ч үгүй биз. Нийтийн тээврийн үнийг тээвэрлэгчдийн саналаар нэмнэ гэснийхньзоргоор нэмсэн бол өнөөдөр бид автобусанд 1000 төгрөг төлөх байх байсан биз. Өнгөрсөн жилийн хугацаанд нийтийн тээврийнхэн үнээ нэмэхгүй л бол болохгүй нь. Бид дампуурах нь хэмээн ярьдаг. Харин өдий хүртэл үнээ нэмээгүй байгаа нийтийн тээврийнхнээс дампуурлаа гэснийг нь олж сонссонгүй. Энэ нь нийтийн тээврийнхэн ашигтай ажилладаг дампуурах болоогүй гэдгийн нэгэн нотолгоо болох биз ээ.

Мөн таксины жолооч нар өөрийн хүссэн үнээ хэлэх болов. Уг ньхолбогдох дүрэм журам, нийслэлийн Тээврийн газартай хийсэн гэрээ ёсоор бол такси компаниуд километр газрыг 300-350 төгрөгөөр явах учиртай. Гэтэл өнөөдөр 400-600 төгрөг болчихоод байна. Нийтийн тээврийн газрынхнаас энэ талаар тодруулахаар Тэгж явах үндэслэл байхгүй. Хэрвээ илүү мөнгө авч байгаа таксины жо¬лооч байвал машиных нь но¬мер, компанийнх нь нэртэй бичээд бидэнд авчраад өг. Бид хариуцлага тооцьё гэсэн тайлбар өгч байна. Гэхдээ энэ ньтус газартай гэрээ хийсэн 30 орчим такси компанид л үйлчлэх бололтой. Үүнээс гадна өнөөдөр таксинд явж байгаа тэрэгнүүдийн багагүй хэсгийг хувийн тэргээр тээврийн үйлчилгээ эрхэлдэг иргэд үзүүлдэг. Тэд өөрсдийн аманд орсон мөнгөө хэлдэг байна. Дизель түлшний үнэ нэмэгдчихээд байгаа энэ үед дизель түлш хэрэглэдэггүй хувийн тэргүүд ч үнээ нэмэх боллоо.

Харамсалтай нь тэдэнд ямар нэгэн гэрээ үйлчилдэггүй болохоор хүндрэлтэй байдаг байна. Харин иргэн та такси компанийн таксиңд суугаад илүү мөнгө нэхэх юм бол нэр ус, машиных нь номерыг аваад Нийтийн тээврийн газарт мэдэгдэж болох юм байна. Мөн илүү мөнгө өгөх ч шаардлагагүй аж. Ганц дизел түлшний үнэ нэмэгдээд нийтийн тээврийнхэн ийнхүү үнээ нэмэхийг урьтал болгоод эхлэв. Гэтэл наймдугаар сарын эхээр бусад шатахууны үнэ нэмэгдэх нь нэгэнт ойлгомжтой болчихоод байдаг. АМГТХЭГ-ын орлогч дарга Д.Амарсайхан А-92, А-76 шатахууны үнийг нэмэхийг наймдугаар сарын аравны үеэр Засгийн газар шийдвэрлэнэ. Тэр бол тос шатахууны үнэ нэмэгдэхгүй хэмээж байгаа ч энэ нь төдийлөн үнэн байж чадахгүй нь. Учир нь долоодугаар сард өмнөхөөсөө 100 орчим доллараар нэмэгдсэн үнээр ОХУ-аас шатахуун авсан. Энэ үнээр долоодугаар сарын 10-наас эхлэн шатахуун импортлосон бөгөөд энэ сарын хоёрон, гурван гээд нэмэгдсэн үнээр импортлосон шатахуун зах зээлд гарах учиртай.

Гэтэл наймдугаар сард дахин ОХУ шатахууныхаа үнийг 100 орчим ам.доллараар мөн экспортын татвараа нэмээд байгаа. Ингэхээр албаны хүмүүсийн ярьж буй наймдугаар сарын 10 хүглэл шатахууны үнэ нэмэгдэхгүй гэдгийг үгүйсгэж байгаа хэрэгюм. Өөрөөр хэлбэл амралтын өдрүүд, цаашлаад дөрөв тавхан хоногийн дараа шатахууны үнэ нэмэгдэж магадгүй. Шатахуун импортлогчдын тооцоогоор 100-200 төгрөгөөр шатахууны үнэ нэмэгдэх болоод байгаа юм. Мэдээж Засгийн газар шатахуун импортлогч нартай зөвшилцөж, өнгөрсөн саруудынхаа нөхөн олговрыг өгөхгүй бол нэмэгдэнэ гэсэн үг. Хэрвээ шатахууны үнэ нэмэгдвэл нийтийн тээврийнхэн ч үнээ нэмнэ гээд зүггэх болно. Тэр үед үнэ барина гэдэг одоогийнхоос ч хүндхэн болох нь дамжигүй.

Дугаар 155 /9711/