Cap нарыг халхалж сарны сүүдэр дэлхий дээр тусах үзэгдлийг нар хиртэх гэдэг. Энэ удаагийн нарны хиртэлт Канад орноос эхлэж Гринланд, Орос Монголоор дайран урд хөршийн нутагт үзэгдэх юм. Манай орны хувьд нарны хагас хиртэлт Баян-өлгий аймгийн Цагааннуур, Улаанхус, Цэнгэл, Сагсай, Бугат, Алтай, Буянт, Толбо, Дэлүүн, Булган сум, Ховд аймгийн Дуут, Мөнххайрхан, Мөст, Булган, Үенч, Алтай зэрэг сумдаар үзэгдэнэ. Харин нар бүтэн хиртэж 2.3-2.11 минут тас харанхуй болох газар нь Баян-Өлгий аймгийн Булган, Алтай, Буянт, Ховд аймгийн Үенч, Булган, Алтай сум.

Гэхдээ энэ удаагийн нарны хиртэлт Монгол орны бүх нутагт 80-аас дээш хувьтай үзэгдэнэ гэдгийг эрдэмтэд батласан. Улаанбаатарын цагаар 17 цаг 55 минутаас 20 цаг хүртэл нарны хиртэлт үргэлжлэх юм. Нар хиртэх үзэгдлийн нөлөөгөөр хүмүүсийн бие организмд түр зуурын өөрчлөлт гарч, тавгүйрэх магадлалтай. Ялангуяа зүрх судасны өвчтэй хүмүүс эрүүл мэнддээ анхаарахыг мэргэжилтнүүд зөвлөж байна.

О.Бат

Дугаар 183/2943/