Мөн халдвартын эмнэлэгт таван хүүхэд хэвтэн эмчлүүлж байсан. Хэд хэдэн аймагт Энтеровирус-71-ийн халдвар их байна. Үүнд Дорнодод 379, Сүхбаатарт 349, Төв аймагт 169, Сэлэнгэд 115, Хэнтийд 145, Дорноговьд 103 хүн гар, хөл, амны өвчнөөр өвчилжээ. Харин Дорнод аймгийн Булган, Гурванзагал суманд энэ өвчин гараагүй гэсэн сайн мэдээ байна. Мөн нийслэлийн Баянзүрх дүүрэгт 339, Сонгинохайрхан дүүрэгт 270 тохиолдол бүртгэгдсэн нь Улаанбаатарын хэмжээнд өвчлөл ихтэй хэсэгт орж байгаа юм. Нийслэлийн эрүүл мэндийн газрын мэдээлснээр өдөрт дунджаар 10 гаруй хүн шинээр халдвар авч байгаа ч халдвар авах тохиолдол урьдынхаасаа буурч байгаа аж. Энэ сарын сүүлч гэхэд халдварын тархалт зогсох магадлалтай гэнэ. Өвчлөгсдийн дийлэнх нь орчны бохирдолт ихтэй хэсэгт амьдарч буй хүүхдүүд байгаа аж. Тиймээс эцэг эхчүүд урьдчилан сэргийлж, хүүхдийнхээ хүрээлэн буй орчинг цэвэр байлгаж, олон нийтийн газар аль болох дагуулж явахгүй байхыг эмч нар ард иргэдэд анхааруулж байна.

Б.Төгсбилэгт

Дугаар 147/466/