Түүнээс холгүйхэн Орос, Монголын хамтарсан Галакси хүүхдийн зуслан үүдээ нээжээ. Өндөр дэнжид байрласан болохоор цэвэр агаартай гэж амрагч хүүхдүүд ярьж байв. Тэнд гap болон сагсан бөмбөгийн талбай, салхинд суух цэцэрлэгт хүрээлэн, гоёмсог үдэшлэгийн танхим байлаа. Мөн ширээний теннисийн танхим ч байсан. Хамгийн сонирхолтой нь амрагчдад зориулсан усан сан, саун, шүршүүр байсан нь хэн бүхний анхаарлыг татаж байв. Тэдэнд уйдах зав алга. Хоолны хувьд чанартай бас амтлаг. Зуслангийн нэг давуу тал нь долоо хоног бүр хамтлаг дуучид ирж ая дуугаа өргөдөг байна. Энэ удаад дуучин Бобо ирэх аж. Хүүхдүүд үе тэнгийнхэнтэйгээ найзлан нөхөрлөхөөс гадна англи, орос хэл сурч, спортоор хичээллэх боломжтой юм. Дашрамд хэлэхэд багачуулын үзэх дуртай Лоолойгийн найзууд нэвтрүүлгийн хөтлөгч Л.Шинээ, Б.Ариунгуа энд байсан шүү.

Дараа жилээс эхлэн ОХУ-ын Кабаньский дүүргийн Арлёнок зуслангийн хүүхдүүдтэй солилцоо хийхээр төлөвлөөд байгаа гэнэ. Зуслан Галакси цогцолбор сургуулийн санхүүжилтээр байгуулагдсан бөгөөд энэ оны есдүгээр сарын 15-нд сургуулийн 10 жилийн ой болох юм. Гүйцэтгэх захирал Г.Даваахүү зуслан байгуулах санаагаа гурван жилийн өмнө олсон аж. Зусланд 70 гаруй хүүхэд иржээ. ОХУ-ын Кабаньский дүүргийн 15 хүүхэдтэй хамт тус дүүргийн Боловсролын хэлтсийн дарга болон Төрийн думын гишүүн Кузнецовын туслах амарч байна. Мөн манай 82 дугаар сургуулийн багачуул тэнд байлаа.

Б.Шүрээ

Дугаар 183/2943/