Тус нам улс орны төрт ёсны үндсийг алдагдуулан лалын шашны засаглалыг тогтоох гэж оролдож байна хэмээн буруутгасныг үндэслэлгүй гэж үзэв. Тус намыг хаах саналыг 11 шүүгчийн тав нь дэмжсэнээр нам оршин тогтносон хэвээр үлдэв. Гэвч шүүхээс Шударга ёс, хөгжлийн намд ноцтой анхааруулга өгч, ирэх жилийн санхүүжилтийг нь хоёр дахин багасгаж дөнгөв. Тус намыг татан буулгах тухай нэхэмжлэлийг өнгөрсөн гуравдугаар сараас хэлэлцэж эхэлсэн байна. Шударга ёсны намын шахалтаар хэд хэдэн хуулийг (тухайлбал, шашны малгай өмсөхийг хориглосон байсныг буцаан сэргээсэн) батлан гаргаснаас хойш олон хүн энэ нам нь төрт ёсыг халж, шашны хязгааргүй засаглалыг тогтоох нь гэж сэрдэх болсон аж. Сонирхолтой нь Шударга ёс, хөгжлийн нам нь төр улсад шашны хэм, зарчмуудыг тулгасныхаа улмаас 1998 онд Үндсэн хуулийн шүүхээс хориглосон Төвшин жаргалын намаас хожим мэндэлсэн аж. Татан буугдсан намын тэргүүлэгчид энэхүү Шударга ёсны намыг байгуулсан гэнэ.

Дугаар 183/2943/