Энэ долоо хоногоос хүйтний эрч чангарна
Баруун аймгуудын нутгаар цас орно, солигдмол үүлтэй, салхи баруунаас секундэд 5-11 метр хүрч өдөртөө 3-8 градус, шөнөдөө 14-19 градусын хүйтэн байх гэнэ. Харин зүүн зүгийн нутгаар багавтар үүлтэй, цас орохгүй, салхи баруунаас секундэд 4-9 метр, шөнөдөө 12-14 градуст хүрэх бол өдөртөө 1-6 градус хүрнэ. Төвийн аймгуудын нутгаар үүлшинэ, цас орохгүй, Хангай Хөвсгөлийн уулархаг нутаг, Хараа, Ерөө голын сав газраар шөнөдөө 22-27 градус, өдөртөө 7-12 градус байна. Энэ үеэр Отрын нутаг, Хэрлэн, Баян-Улаан орчмоор багавтар үүлтэй, цас орохгүй, шөнөдөө 12-14 градус өдөртөө 0-2 градустай байна.
10, 13-нд баруун болон төвийн нутгийн хойд хэсгээр, 11-нд баруун хагаст, 12-нд төв болон зүүн зүгийн нутгийн зарим газраар цас орно. Энэ үеэр нийт нутгаар салхи баруунаас секундэд 7-12 метр хүрч ширүүсэж цасан болон шороон шуурга шуурах төлөвтэй байна гэдгийг мэргэжилтнүүд сануулж байна.
12-нд нутгийн хойд хэсгээр, цаашдаа ихэнх нутгаар хүйтний эрч эрс чангарах гэнэ. Одоо байгаагаас 10 градусаар энэ долоо хоногт хүйтрэх ч энэ нь 10 гаруй хоногийн хугацаанд үргэлжилнэ гэдгийг Ус, цаг уурын хүрээлэнгээс мэдээлж байна.
Olloo.mn
