Энэ шийдвэрийн дагуу цахим бүртгэлийн ажил эхэлжээ. Ингэснээр хүүхэд бүр нууц кодтой болж тэр кодоороо өөрийнхөө дүнг интернэтээс харж байх боломж нээгдэж байгаа юм.

Түүнчлэн энэ жил боловсролын салбарт хийж буй томоохон өөрчлөлтийн нэг нь инженер, анагаахын салбарт суралцагчдыг тэтгэлэгт илүү хамруулахаар шийдвэрлээд байгаа гэсэн. Нийгмийн салбарын мэргэжил эзэмшигчид ихэнх хувийг эзэлдэг ч сургуулиа төгсөөд ажлын байр олдох нь ховор байдаг.

Харин анагаах ухааны салбар болон, нарийн мэргэжлийн инженерийн боловсон хүчин дутмаг байдаг учир энэ салбарт сургалтын төлбөрийн хөнгөлөлтийг 50-80 хувиар нэмэгдүүлэхээр болсон хэмээн холбогдох эх сурвалж өгүүллээ.

Х.Халиунаа

дугаар 026/952/