Тэгвэл энэ талаар түүнээс тодруулах гэсэн боловч сэтгүүлчдэд хандан хурал зарлахаар болсон юм.

Хамгийн сонирхолтой нь хэвлэлийн хуралд өнөөх хэвтэрт ортлоо зодуулсан гэх эхнэрийнхээ хамт ирсэн явдал байв. Ингээд болсон явдал үнэн эсэхийг дуучин Т.Дэлгэрмөрөн болон гэргий Д.Жулейна нараас тодрууллаа.

-Сонин дээр гарсан материалын талаар тайлбар хийх үү?

-Тэгэх гэж л би сэтгүүлч та бүхнийг энд цуглуулсан. Би монголын 21 аймгаар Тэнгэрийн бүсгүй нэртэй аялан тоглолтоо хийгээд ирлээ. Гэтэл бүсгүй хүнийг үнэн сэтгэлээсээ хүндэлдэг намайг ингэж гүтгэсэнд гомдолтой байгаа. Би энэ сонинтой нэгийгээ үзнэ. Заавал би учрыг нь олж хариугаа авна. Ийм ёс зүйгүй сонинг байхгүй болгоно.

-Энэ мэдээллийг гаргасан сонины газрынхантай уулзсан уу. Юу гэж байх юм?

-Бид нар очиж уулзах гэтэл ажлын цагаар сэтгүүлч нь шүдээ янзлуулах гээд явчихсан байна гэсэн хариу өгсөн. Тэгээд хариуцлагатай нарийн бичгийн дарга н.Жаргалсайхан гэж хүн Ирэхээр нь дагуулаад очьё гэж хэлээд таг боллоо. Тэд үнэхээр санаатайгаар гүтгэсэн юм болов уу.

Тийм том мэдээг яахаараа анзааралгүй өнгөрдөг байна гэж бодохоор гайхаад байх юм. Хэвлэл мэдээллийнхэнд цензур гэж байдаггүй юм уу эсвэл. Иймэрхүү юмнууд хэвлэлийнхний нэр хүндийг маш их унагаж байна. Энэ бүхэн ганцхан надад тохиолдоогүй. Би маш их сэтгэлээр унаж байна. Тоглолт ч хийх хүсэл алга.

-Юу гэсэн үг вэ. Тэгэхээр удахгүй болох тоглолтоо цуцлана гэсэн үг үү?

-Мэдэхгүй ээ. Ямар ч байсан жаахан сэрмээр байна. Удахгүй бас миний Охин тэнгэр нэртэй шинэ цомог ирэх гэж байгаа. Уг нь уран бүтээлийн арвин олзтой л байна.

Даанч миний хийсэн бүхнийг сэтгүүлчид уландаа гишгэж доромжиллоо. Гэхдээ бүх сэтгүүлчдийг хэлж байгаа юм биш шүү. Тоглолтын хувьд хамтрагчид болон гэр бүл, найз нөхөдтэйгээ ярьж байгаад шийднэ.

-Энэ мэдээ танд хэр их нөлөөлсөн бэ?

-Д.Ж-Үнэнийг хэлэхэд надад хэлэх үг алга. Би хувийн амьдралаа заавал хэн нэгэнд дэлгэх албагүй. Гэхдээ Дээгий хэзээ ч надад гар хүрч байгаагүй. Би үнэхээр гайхаж байн, энэ сэтгүүлчдийг.

Т.Шагай

дугаар 026/952/