болон төвийн телевизийн сэтгүүлчдийн дунд үндэсний сургалт семинарыг 2-р сарын 05-06 ны өдрүүдэд Тэрэлж дэх Улаанбаатар-2 зочид буудалд зохион байгууллаа. Тус сургалт семинарт 16 аймгийн 18 телевизийн, төвийн 6-н телевизийн сэтгүүлч оролцов.

Телевизийн сэтгүүлчдэд, МУЗН яагаад ХДХВ/ДОХ-оос урьдчилан сэргийлэх чиглэлээр ажилладаг вэ, Сэтгүүлчид ба ХДХВ/ДОХ , Биеэ үнэлэх асуудал ба Сэтгүүлчид, Бэлгийн чиг хандлага , Хүний бэлгийн амьдрал Хэвлэл мэдээлэл ба ДОХ зэрэг сэдвүүдээр МУЗН-ийн ХДХВ/ДОХ-ын хөтөлбөрийн удирдагч А. Нямдорж, Т. Мөнхтуул, мөн Мэдээлэл сурталчилгааны хөтөлбөрийн ажилтан Г. Отгонтуяа, Оюуны дархлаа ТББ-ын тэргүүн, сэтгүүлч Г. Энхбаатар нар сургалт явуулсан юм. Сургалт семинарт МУЗН-ийн ерөнхийлөгч Л. Одончимэд, МУЗН-ийн орлогч дарга н. Жадамбаа нар сэтгүүлчдийн дунд сонирхолтой яриа өрнүүлэн, нийгэмлэгийнхээ үйл ажиллагаа, цаашдын стратеги, зорилт зорилго, 2009 он болгон зарласантай холбогдуулан Хүмүүнлэгийн аяны жил, ойн арга хэмжээний талаар дэлгэрэнгүй танилцуулан, цаашид сэтгүүлч нартай МУЗН нь хэрхэн ажиллах талаар сэтгүүлчдийн асуултад дэлгэрэнгүй хариулж санал бодлоо солилцлоо.

Үндэсний сургалт семинарын үеэр МУЗН-ийн Хөтөлбөрийн ажилтнууд хөтөлбөрүүдийн үйл ажиллагааны талаар сэтгүүлчдэд дэлгэрэнгүй мэдээлэл хийж орон нутгийн телевизүүдийн сэтгүүлчдэд тухайн орон нутгийн Улаан загалмайн салбар хороодтой хамтран хүмүүнлэгийн үйл ажиллагааг сурталчлах, хүмүүнлэг энэрэнгүй үйлстэнүүдийг сурталчилж бусдад үлгэр дуурайл болгох талууд дээр эрчимтэй ажиллахаар тохиролцов. Хоёр өдөр болсон Үндэсний семинар амжилттай болж , сэтгүүлчид маань нутаг нутгийн зүг жолоо заллаа.

Мөн түүнчлэн энэ сарын 11-12 ны хооронд болж буй Сэлэнгэ аймгийн Малчдын зөвлөгөөнийг сурталчлахаар эхний ээлжний сэтгүүлчид маань Сэлэнгэ аймаг руу хөдөллөө.