урьдчилан сэргийлэхэд онцгой анхаарал хандуулан ажиллах талаар чиглэл гаргасан байгаа.

ХДХВ/ДОХ-оос сэргийлэх ажлыг зохион байгуулах үүрэг бүхий Үндэсний хороо, яам, аймаг, нийслэлийн салбар зөвлөл ажиллаж байна. Энэхүү өвчнөөс урьдчилан сэргийлэхэд дан ганц эрүүл мэндийн байгууллага бус төр засгийн эрхт байгууллага, ТББ-ууд, шашины байгууллага ч мөн тодорхой үүрэгтэй оролцох хэрэгтэй гэдгийг ДОХ-оос сэргийлэх ажлыг зохион байгуулах үүрэг бүхий Үндэсний хорооныхон хэлж байна.

Үндэсний хорооны зүгээс бодлогын түвшинд дэмжиж ТББ-уудын төлөөлөл байнга оролцуулдаг байна.

Төрийн бус байгууллагууд нь төсөл хөтөлбөрүүдийг хэрэгжүүлэгчээр ажилладаг

Дээрхи бодлогыг хэрэгжүүлэх ажлын хүрээнд олон салбарын төлөөлөл Филиппин улсад ажиллаж байгаад ирсэн байна.

Яагаад Филиппин улсыг сонгох болов гэхээр ДОХ-ын халдвар хамгийн бага дархалттай орны тоонд ордог учир энэхүү нөхцөл байдлыг хэрхэн бүрэлдүүлж байгаа талаар туршлага солилцох зорилгыг агуулсан байна.

Ажиллагаанд оролцогсдын бүрэлдэхүүнд ЗГХЭГ-ын Орон нутгийн захиргаа, удирдлагын хэлтсийн дарга Н.Оргодол, Булган аймгийн Эрүүл мэндийн газрын дарга Б.Мягмар, Хилийн цэргийн дээд сургуулийн захирал Д.Дашдаваа, Хөвсгөл аймгийн Нөхөн үржихүйн эрүүл мэнд хөтөлбөрийн зохицуулагч П.Дамдинсүрэн, ХӨСҮТ-ийн эмч, Хамтдаа төрийн бус байгууллагын гүйцэтгэх захирал Г.Эрдэнэтуяа, НҮБ-ын Хүн амын сангийн ХДХВ/ДОХ-ын хөтөлбөрийн зохицуулагч С.Алтанзул, Нийслэлийн мэргэжлийн хяналтын газрын эрүүл мэнд, боловсролын хяналтын улсын байцаагч А.Жаргал, Цагдаагийн ерөнхий газрын Нийгмийн хэв журмыг хамгаалах газрын Хүний нөөц, сургалт хариуцсан чиглэлийн ахлах байцаагч Ж.Гантогтох, Глобаль сангийн Орон нутгийн зохицуулах зөвлөлийн дарга, Монголын скаутын холбооны тэргүүн Э.Эрдэнэжамьяан, тус сангийн Орон нутгийн зохицуулах зөвлөлийн гишүүн, ЭМШУИС-ийн багш Ч.Батнайрамдал, ХӨСҮТ-ийн эмч, 100 хувь бэлгэвч төслийн менежер Б.Солонго, Үнэн сонины Эрэн сурвалжлах, шуурхай мэдээллийн албаны дарга, сэтгүүлчдийн Оюуны дархлаа төрийн бус байгууллагын гүйцэтгэх захирал Д.Элбэрэлт нарын 12 хүний бүрэлдэхүүнтэй баг Филиппин улсад танилцах аялап хийгээд ирсэн байна.

Бүрэлдэхүүнд оролцоод ирсэн багийнхан Филиппин улсын ДОХ-ын халдвар тархахгүй байх нөхцлийг хэрхэн хангадаг талаар ийнхүү ярьж байна.

үideo1

Биеэ үнэлэгчид, тэдний үйлчлүүлэгчид, ижил хүйсэрхэг бэлгийн чиг хандлагатай хүмүүс, судсаар мансууруулах бодис тарьж хэрэглэгчдийн тоо нэмэгдсээр байгаа, жуулчдын урсгал их, гадаадад ажиллахаар явах хүмүүсийн тоо жилээс жилд өсч байгаа нь ХДХВ/ДОХ-ын халдвар тархах эрсдлийг нэмэгдүүлж буй. Тиймээс ч харилцан туршлага судлах, авууштай зүйлийг нь ажил хэрэг болгох зорилгоор уг аяллыг зохион байгуулсан юм. ХДХД/ДОХ-той тэмцэх үндэсний хорооноос аяллыг санаачлан НҮБ-ын Хүн амын сан, Германы техникийн хамтын ажиллагааны нийгэмлэг, Эрүүл мэндийн яамны ДОХ, сүрьеэтэй тэмцэх Гпобаль сангаас ивээн тэтгэсэн аж.

Филиппинд ХДХВ/ДОХ-ын халдварын тархалт хүн амынх нь 0,1 хувьд хүрдэггүй. Өнгөрсөн оны эцсийн байдлаар 3589 халдвартай хүн бүртгэгдсэн агаад нийт 7500 орчим хүн халдвар авсан гэсэн тооцоо судалгааг гаргажээ. Хамгийн анхны тохиолдол 1984 онд гарсан байна. Үүнээс хойш жил ирэх тусам халдварын тохиолдол нэмэгдсээр байгаа аж. Халдвар тээгчдийн дундаж нас 26. Ихэнх нь бэлгийн замаар, цөөхөн нь судсаар хар тамхи хэрэглэх үедээ халдвар авсан байна. Сүүлийн гурван жилийн хандлагаас харахад ижил хүйсэрхэг бэлгийн чиг хандлагатай хүмүүс халдвар авах нь ихэсчээ. Анхны халдвар бүртгэгдсэний дараагийн жилээс ХДХВ/ДОХ-ыг заавал бүртгэгдэх өвчний тоонд оруулсан байна. Мөн Засгийн газраас нь 8504 дүгээр буюу ХДХВ/ДОХ-оос сэргийлэх тухай хуулийг батлан гаргажээ. Хуульд үндэсний хэмжээнд ДОХ-оос сэргийлэх үйл ажиллагааг хуульчилж, сургалтын хөтөлбөрт энэ асуудлыг тусгаж, судалгаа тандалт хийх зэргээр хяналт үнэлгээний тогтолцоог бүрдүүлж, Үндэсний хороог бэхжүүлэх, цусны аюулгүй байдлыг хангах, шинжилгээ өгөх, халдвартай хүмүүст халамж дэмжлэг үзүүлэх гэхчилэн олон асуудлыг тусгажээ. Эл хуулийг батлахаас өмнө мөнгөөр цус авдаг газар олон байсан аж. Филиппин Улс ДОХ-оос сэргийлэх үйл ажиллагаандаа баримталдаг өөр нэг гол бодлого нь гадаадад ажиллахаар явж байгаа, хилийн чанадаас ирж буй залуусыг сургалтад хамруулах. Гадаадад ажиллаж байгаад ирсэн хүмүүс заавал шинжилгээ өгөхийг хуульчилжээ. Энэ нь сүүлийн үед хилийн чанадад ажиллаж байгаад эх орондоо ирсэн эрчүүд эхнэртээ халдвар тараасэн тохиолдол ихэссэнтэй холбоотой аж. Бахай лингап гэдэг эмнэлэгт шинжилгээний лавлагаа лаборатори байгуулж, Эрүүл мэндийн яам нь ХДХВ/ДОХ-оос сэргийлэх хэлтэстэй болсон байна. Засгийн газраас мөн энэ өвчинтэй тэмцэх стратегийг баталж, халдвартай хүмүүсийн Пеное плас хэмээх төрийн буе байгууллага үүдээ нээжээ. Филиппиний ХДХВ/ДОХ-той тэмцэх үйл ажиллагааны нэг онцлог нь төрийн бус байгууллага, иргэний нийгмийн дуу хоолой нь хүчтэй, тэд төрийн бодлогод өөрсдийн санааг тусгаж чаддагт байдаг аж. Тэрчлэн шашин шүтлэг хүчтэй байдаг нь харагдаж байсан гэнэ.

Olloo.mn