Гэвч төр засаг эх орноо эрэлхэгээр хамгаалж явсан дайчдаасаа нүүр буруулж толгой сэгсэрч, байхгүйгээр хариу барин шүлсний хэмжээгээр дусагнах шийд гарган өнөөд хүрсэн билээ. Амьд үлдсэн ахмад дайчиддаа орон сууц олгох асуудал МУ-ын Ерөнхийлөгчийн зарлигаар баталгаажиж, 2008 оны зуравдугаар сарын зургаанаас хэрэгжиж эхлэх байсан хэдий ч өнөө хир нь бас л таг чиг.

Ахмад дайчдын орон сууцны асуудлыг шийдэхээр байгуулагдсан комиссын бүрэлдэхүүний дарга гишүүд нь нуугдмал хуувилдсан байдлаар ажиллаж байна хэмээн ахмадууд бухимдаж байна. Мөн шинээр ахмад дайчид төрөн бүртгэж байгаа нь жинхэнэ дайнд оролцсон дайчдаа орхигдуулан эрх мэдэлтнүүдийн булхайтай үйлдэл явагдах гэж буйд сэтгэл эмзэглэж буйгаа ч хэлж байсан.

Гурван жилийн өмнө 3500-р тоологдож байсан ахмад дайчид маань өнөөдөр ердөө 1815 нь л амьд сэрүүн байна. Эдгээр дайчдынхаа орон сууцны асуудлыг шийдэхэд 60 тэрбум төгрөг шаардлагатай байгаа аж. Yнэндээ энэ мөнгө хэн нэгэн эрх мэдэлтний казино тоглоод алддаг мөнгө шүү дээ. Төр засгийнхаа хайр хишгийг хүртэж, мөнхийн оронд очихоосоо өмнө байрны түлхүүр эсвэл түүнтэй дүйцэх хэмжээний мөнгийг авбал энэ насандаа хийсэн зүйлээрээ бахархан амар тайван нойрсох болно хэмээн хоолой зангируулан ярьж суугаа эдгээр ахмад дайчид хэмээн хоосон алдар зүүсэн хэдэн өвөгчүүлийг харахад дэндүү өрөвдмөөр…

үideo1

Засгийн газрын шийдвэрээр энэ жилдээ 100 ахмад дайчдын орон байрны асуудлыг шийднэ. Мөн энэ мэтчилэнгээр дараа дараагийнхыг шийдэнэ гэсэн. Гэвч 80 хол давсан хэдэн хөгшүүл хэзээ ирнэ гэж оочер, дарааллаа хүлээж, голоо таслаж чадахгүй тарчлах бол. Иймд МАЧХ-ны зүгээс дараах шаардлагуудыг тавьж байна.

үideo2

-Бүх ахмад дайчдын орон сууцны асуудлыг нэг мөр шийдэж өгөх

-Шаардагдах 60 тэрбумын төсвийг саадгүй гаргах

-1815 ахмад дайчдын нэрсийн жагсаалтыг гарган олон нийтэд мэдээлэх

-Шинээр ахмад дайчны үнэмлэх олгохыг зогсоох

Olloo.mn

Л.Булган, Ж.Мишэг