Уулзалтын үеэр дэлхий нийтэд үүсээд байгаа эдийн засгийн хямрал болон өөрийн оронтой холбогдох асуудлаар санал солилцсон юм. Ноён Дэвид Доллар дэлхийн эдийн засгийн хямрал гүнзгийрч байна. Тиймээс Монгол улсад энэ хямрал нөлөөлж төсвийн алдагдал буурч магадгүй тул Монгол улсын хувьд эдийн засгийн хямралаас гарах гарц олохын тулд сайн хөтөлбөр боловсруулж, Олон улсын Валютын сантай хамтарч ажиллах нь чухал гэсэн санал тавьсан юм. Ерөнхийлөгч Н.Энхбаяр Азийн ямар улс хямралыг даван туулахад ямар зөв арга хэмжээ авч ажиллаж байгаа талаар ноён Дэвид Доллараас сонирхоход Дэлхийн банк, Азийн хөгжлийн банктай шууд харилцаж ОУВС-ийн дэмжлэгийг авч чадаж байгаа улс бол Индонези, Пакистаны туршлагыг судалж үзэх нь зүйтэй байх гэж санал болгов. Энэ үеэр Ерөнхийлөгч Н.Энхбаяр бид аль болох хэрэглээ зардлаа хэмнэх горимд шилжиж, орлогоо нэмэгдүүлж, тодорхой төлөвлөгөөтэй ажиллахад анхаарна. Тиймээс ОУВС болон Дэлхийн банктай байнга хамтарч ажиллаж, хямралыг даван туулахад нэгдсэн нэг бодлого чухал гэж үзэж байгаатай санал нэг байна гэж байр сууриа илэрхийллээ.

Б.Баярмаа

Оллоо.мн