Гэтэл манай улсын долоон аймагт өвөлжилт хүндэрч, 100 гаруй мянган мал хорогдоод байгаа мэдээлэл байна. Тиймээс өвөлжилт хүндэрсэн аймгуудын малчдын хүсэлтийн дагуу Засгийн газар улсын нөөцөөс өвс, тэжээл хөнгөлөлттэй үнээр нийлүүлээд байгаа. Гэвч малчид улсын нөөцийн өвсийг мал идэхгүй, шим муутай хэмээн шүүмжилж байна. Цас их унасны улмаас малын хоншоор хатгах ч өвс байхгүй гэнэ. Тиймээс аргаа барсан баруун аймгийн малчид нэг боодол өвсийг 7000 төгрөгөөр худалдан авах болоод байгаа юм байна. Уг нь улсын нөөцийн өвс 2700 төгрөгийн үнэтэй байгаа юм. Yүний зэрэгцээ Цагаан cap болж уяачид хурдан морио уяж байгаа болохоор улаан буудай, овъёосны үнэ нэмэгдээд байгаа аж. Нарантуул зах дээр шуудай овъёос 20-25 мянга, улаан буудай 15-22 мянга, тэжээл 4700- 6200 төгрөг болон нэмэгдсэн гэнэ. Хотын захаар боодол өвс 4800-5500 төгрөгийн хооронд байгаа бол өвөлжилт хүндэрсэн аймгуудад 7000 төгрөг, тэжээл 8000 төгрөгийн үнэтэй байгаа аж.

Olloo.mn